Щивго кIочене гьечIо
Щивго кIочене гьечIо
Рагъда бергьенлъи щун нахъе руссарал,
ЛъугIун унел руго гьаб ракьалдаса.
Медалазул цIурал гьезул мундирал
Кир лъундай цIунила гьезул лъималаз?
Заманаялдасан кIочон теладай
Бидуца релъарал гьезул орденал.
Чанги улбул хвана, лъудбиги ана
Гьел нахъруссиналде хьулгун рукIарал.
Чанги лъимал руго эмен лъаларел,
Гьезул гьумер лъазе суратцин гьечIел.
Гьединан бахъараб нилъер гьаб улка,
Ургъел гьечIелщиназ буго мерхьунеб.
