Аслияб гьумералде

Щибго даимлъиларо

Щибго даимлъиларо

Щибго даимлъиларо
Аварагцин хутIичIо,
Хвалил амру гIунтIичIев.
ГIумруялде машгъуллъун,
Щибго даимлъиларо.

Сордоялъ къо хисичIеб,
Хаселгин их рещтIинчIеб.
ТIабигIат-гIамал щокълъун,
Щибго даимлъиларо.

Дунялалда гIорцIичIо,
ЦIаруцIун рекердулел.
Кодобе щвараб индал,
Щибго даимлъиларо.

Унтиялъ хIал гIунтIичIо,
ГIузрабаз квер бегьичIеб.
Залимаб щулалъуда,
Щибго даимлъиларо.

КIудияб хъулухъ щведал,
Ханзаби цIаруцIуна.
Хинаб рокъове щинкIун,
Щибго даимлъиларо.

Анищаб лахIзат кьедал,
Кьурараб михъ хичула.
Хиянатаб рещтIеналъ
Щибго даимлъиларо.

Дуего лъикIлъи гIедал,
ГIадамал кIочон тола.
Тахиде хивал щунин,
Щибго даимлъиларо.

Давлаялъ хъумуралъул
Хъал бицат гьабулелъул,
Гьодал щинкIананиги,
Щибго даимлъиларо.

Дарманалъ унтиялъул
АхIи бигьалъулелъул,
Аллагь гурхIичIониги,
Щибго даимлъиларо.

Дунялалда канлъулеб
Лъабго къо кунчIулелъул.
ЧIвалеб бакъул нур свани,
Свина даимаб чирахъ.

2026-09-01 (РабигIул аввал 1448 с) №17.


Гьорхъохъеб дин

Ислам буго гьоркьохъеб ва бигьаяб дин. ТӀадегӀанав Аллагьас ﷻ хирияб Къуръаналда абуна: «Нижеца нуж умматлъун гьаруна гьоркьохъеб хIал ккураб», - ян («Бакъара» сурат, 143). Гьелъул магӀна ккола муъминчиясул нух хӀинкъиялдаги хьулалдаги гьоркьоб букӀине кколин...


Кин цIуни гьабилеб?

Адамил лъимер битIараб нухдаса къосинабизе, квешаб гIамал гьабизе гьесизабизе кидаго хIаракат бахъула иблисалъ. Гьелдаса цIунизе инсанасе бищун кумек гьабула Аллагьасдаса ﷻ кумек тIалаб гьабиялъ.   Гьедин гьабейин Къуръаналда абулебги буго (магIна): «…рахIматалдаса бачахъараб...


Алжаналде нух

Дунялалъул кинабго иш сабабазда базабун бугебго гIадин, инсан дунялалде вачIинги эбел-инсудалъун буго. Лъиего балъгояб жо гуро лъимаде эбел-инсул букIунеб гурхIелги, кIудияб тIалаб-агъазги. Гьединлъидал нилъеда исламалъ тIад гьабула эбел-инсул камилаб адаб гьабизе. Къуръаналъулги ахIи буго...


Баркала кумекалъухъ

ХӀурматияб «Ас-салам» газеталъул редакция! Газета гьоркьобккун нижее, Хунзахъ районалъул ТӀадколоб росулъа ХӀажиев ГӀалискандил хъизамалъе, бокьун буго баркалаялъул калам загьир гьабизе нижее хӀажалъи ккедал кумекалъе ратарал гӀадамазе.   Исана 13 июналда цӀаги рекӀун нижер мина,...


Аллагь ﷻ лъазе бокьани

Аллагь ﷻ лъалездасан вукIине ва шайтIаналдаса хвасарлъизеги бокьани, ункъо жо тезе ккола: иблис ва иблисалъе бокьараб, напс ва напсалъе бокьараб, гьава ва гьаваялъе бокьараб, дунял ва дунялалъе бокьараб.   Иблисалъе бокьана дур дин тIаса инабизе, мунгун цадахъ доб ЖужахIалда абадиялъ...