Руччабазул кверал
Руччабазул кверал
Руччабазул кверал, киб гьечIеб дур лъалкI,
Сардил гIужалдаги бакъул къоялъги.
Нужер хIеренлъигун тIадагьлъиялъ
ТIолго дунял буго цебе къулараб.
Нуж гурищ херлъарай эбел хьихьарай,
Карандеги бачун лъимер кIикIарай.
Гьез гурищ васазе хинкIал гьарурал,
Росасе нухлуе сардилъ квен кьураб.
Руччабазул кверал, киб гьечIеб дур лъалкI,
Ахал-хурзал руго дур кверзукь гIурал,
Хурул ссанда сукIун харил гIарахъал,
Дур квераз квацIиккун данде гьабураб.
Гьез гурищ сардида, тIадеги рахъун,
Аллагьасде гьарун дугIа гьабулеб.
Свараб гъанситуда цIа кунчIизабун,
Кьижараб лъимаде юргъан бачунеб.
