Адаб лъугIизе тоге
Къанщизин цодагьалъ цадахъго берал,
РакIалде бачIине букIараб заман.
КIодоэбелалъул, кIудияв инсул
КIудиял дол дарсахъ гIинбазин дагьалъ.
ГIадамазул адаб даимго букIа,
Дуда ращадазул ракI хвезе тоге.
Хаслихъе нечолеб ихдал гьабуге,
Хведал мун какулеб гIамал рехун те.
Хведал дур бицунеб лъалкI ракьалда те,
Ракьулъе аниги кIочене чIоге,
КIвараб дуца кумек киназего кье,
Кьолебин Аллагьас гьелдалъун давла.
Дуца бицунелда хадуб халгьабе,
Гьоболлъун вукIа мун гьаб ракьалда тIад.
РекIелъ ругъун лъолел рагIаби абун
Унти бикьулевлъун вукIунге, дир вас.
