НагIфу пайда босизин...

Эркенго хIухьелги цIан,
ЦIализин алфазиял.
Рогьалил какалги ран,
Росизин манафигIал.

Гъаплаталдаса рорчIун,
Рокьизин фазаилал.
ФатхIуялъ керен рагьун,
Квер кьезин зикруялде.

Жазбуялъ къуватги кьун,
Къулубал рацIцIад гьарун,
Агьлул тIурукъал рокьун,
Рагьизин рекIел таъсир.

Мактубаталде къулун,
Къоялги нухда тIамун,
АхIвалал хисичIого,
Хулафаал рокьизин.

Къурбат хIасуллъиялде
ХIалимаб ракI чучизин.
Файизалъ нуцIа рагьун,
ЦIобал гIатIид гьаризин.

СахIихIаб гIамалалда
ГIумру нухда тIамизин.
ТIарикъги рекIелъе тIун,
РабитIа гьуинлъизин.

Муршидги рекIелъе цIан,
Маъзунгун гIагарлъизин.
ГIелмуялде нух рагьун,
НафгIу – пайда босизин.

МУХIАММАД ХIАСАНОВ, КIУЯДА РОСУ