Инхелоса Мансурил МухIаммад афанди

РахIмуялъул гъамас, баркаталъул гъветI,
Мансурил МухIаммад - рухIияв эмен.
РахIмугун цIобалде хьуллъунщиназе
Хвасарлъи дулъ буго, хирияв муршид.

Муридазул канлъи, кашфуялъул нур,
ТIарикъат малъулев бакъ гIадав устар.
Хъублъарал ракIазе таважугь гьабун,
ГIадамал къачIалев къиматав къутIбу.

Ният бацIцIад гьабун аскIор щваразе
Гьадият бечедав, Бичасул вали.
Аллагьасде щолеб нух тIалаб гьабун,
Дунял-гIалам тIаде хьвадулев шайих.

Баракат цIикIкIине кIиго муршидас
КIиябго тIарикъат кодобе кьуна.
Далил хIажатазе хIужалъун чIезе
Чанго караматал дулъ загьирлъана.

Ижаза камилав, тIарикъат хIакъав,
Мансурил МухIаммад - рухIияв эмен.
Баракат тIокIлъизе, рахIму цIикIкIине,
ЦIоб гIатIидав Бичас дуй сахлъи кьеги.

Сонал гIемер райги, гIумру цIикIкIаги,
Муридазул тIелал цIакъ гIемерлъаги.
Дур нуралъ къалъаги Инхело росу,
Баракат гIаммлъаги Дагъистаналъе.

ИЗАНОСА МАДИНА