ХIалае батулеб фонд буго «Инсан»

ХIалае батулеб фонд буго «Инсан»

Фонд «Инсан» гIуцIарав гIакълу бугев чи,

Нусго сон кьун тайги гьаб ракьалда тIад.

Гьесий рокьанщинал ва хъизан-агьлу,

ЦIунаги киналго балагьаздаса

Къварилъи ккаразе, мискинзабазе

ЦIакъ кIудияб кумек буго фондалъул.

Рукъалда рагIичIеб, чванта чIехьечIеб,

Нилъ мискинлъулареб лъикIаб садакъа.

Гьезие гIемераб, нилъее дагьаб,

Садакъа кьуразе кири цIикIкIараб.

Бугес гIемераб кье, гьечIес дагьаб кье,

Хьолбохъан биччаге нилъей щвараб рес.

Гьабураб садакъа азарилъ кьабун,

Къабул гьабегиха нилъер Аллагьас.

РухI бахъулеб мехалъ ритIунги ккайги,

Хабалъ нилъ рорчIидал нурлъун батаги.

Садакъа кьуразул лъимал-хъизанал,

ЦIунаги Аллагьас балагьаздаса.

Дунялгун ахират битIаги гьезий,

Хъизан-агьлуялда лъеги баракат.

Кьураб садакъаги азарилъ кьабун

Балагьазда цебе сангарлъун чIаги.

СиратIалъул кьоги шагьралъун гьабун

Алжаналъул нуцIби рагьун ратаги.