ГIицIал хIатIал рихьидал…

БачIун буго мода бохдул рихьулеб,
Рии-хаселалъе батIалъи гьечIеб.
БотIрол рас гьурщараб, габур баккараб,
Черх цебе лъураб ретIел ретIараб.
БачIун буго мода гIолил ясазе,
Къвалал гьечIеб гурде, къокъал юбкаби,
ЦIорол бералги ран чIухIун хьвадулеб.
Кибе рехун тараб доб кIудияб кIаз,
Габур-бетIер бахчун умумуз чIвараб.
Кибе рехун тараб гIатIидаб горде,
Лага-санги бахчун улбуз ретIараб.
Киб кIочене тараб доб рахьдалаб мацI,
ГьоцIогIан гьуинго улбуз малъараб.
Кибе рехун тараб магIарул намус,
Ничалъ рачелги къан къулун хьвадараб.
Гьал нахъзаманалъул загIипал лагъзал,
РачIа нилъ кантIизин, диналъул яцал.
Аллагьасул шаргIги щулаго кквезин,
ХIабибасул суннатги свине теларин.
БецIаб сардилъ цIвагIан бацIцIадго щвараб,
Динул исламалъул къимат гьабизин.
Берцинго хьвадизин умумул гIадин,
Илбисалъ къвалги бан чIухIун хьвадизе
Дуца ниж риччаге, я ХIаюн Къаюм.

МУХIАММАДИЛ ЯС ПАТIИМАТ КЪУЛЕЦIМА РОСУ