РачIа, рагьизе берал

РачIа, рагьизе берал

Росизин тIахьал кодой,

Кодоб бугеб телефон

Тезин дагьалъ добегIан.

Давление, нерваби,

Ният чороклъизаби,

ЛъикIаб гьечIебщинаб жо

Гьелдалъунин букIунеб.

Гьанже ругел гIолилал,

ГIадат, тарих лъаларел,

Тухум кIочонго тарал,

Телефоназ куцарал.

Киб бугеб магIарул къартI,

Къо ккаралъуб батулеб.

РитIаралъуй гочунел,

Нихьитал кире арал?

Араб бакIго лъачIого

Лъица тIагIинарурал?

ТIадруссун нух лъаларел

Лъицадай нуж гуккана…

Нилъер миллат, рахьдал мацI

Лъаларел гIемерлъана,

ГIагарлъиялъ рехун тун

ГIолилал гIуруслъана…

ГIузраби гIемер руго

РачIа чIаразе цадахъ,

ЧIалгIун бугин танани

Телефоназ гуккула.

Шамил Къебедов