Киналго унелъул дунги инарищ?
Киналго унелъул дунги инарищ?
ЛъикIал чагIи ана, квешалги ана,
Киналго унелъул дунги хутIилищ?
ГIисиналги ана, чIахIиял ана,
Киналго унелъул дунги инарищ?
Сверухъ бараб лахIду, ракьул къандалъо,
Къо тIаде щолареб сардил халалъи.
Суалалъе щолев кIиго малаик,
Аллагь, Мун гурхIаги, пакъирзабазда.
Ахир вуссунеб бакI киназулго – цо,
РачIа хIадурлъизе заман букIаго.
Пайда гьечIеб дунял гьабги бугелъул,
Пайдаяб гьабизин доба батизе.
