Аллагьас цIунаги…

Аллагьас цIунаги…

Аллагьас цIунаги нилъ цIаялдаса,

ЦIадаре нилъ унеб гIамалаздаса,

ГIадлу лъикIаб гьечIеб хъизамалдаса,

Заралалъе вугев гьудуласдаса.

Аллагьас цIунаги квешлъабаздаса,

Квешалде рачунеб пищабаздаса,

ГIадан-иблисалъул заралалдаса,

Дуде гIасилъулел хиялаздаса.

Аллагьас цIунаги гIазабалдаса,

ГIадамазе бугеб заралалдаса,

Жаниса чорокал гIагараздаса,

ХIилла-рекIкI гьабулел гIадамаздаса.

Кинабго бихьулев БетIергьан Аллагь,

Гьари Дуде буго, божиги буго,

ЛъикIаб гьабизеги квешаб тезеги, 

Дуца кумек гьабе, РахIману РахIим.

Иблисалъул агьлу аскIой биччаге,

ХIилла-макру бугел рикIкIадги гьаре. 

Хъизан-лъимал - нижер, амма лагъзал дур,

Дуца цIуне, Аллагь, мун гурхIа, Аллагь.

Салимат Шабанова