Муъминчи...

ГӀажаибаб иш буго муъминчиясул амру,
Муъминасе гурого гьединги букӀунареб.
Квешаб тӀаде бачӀиндал сабру гьабун бергьуна,
ЛъикӀаб щвараб мехалда шукруялъги ворчӀула.

ХӀадисалда бицуна гьединал нигӀматазул,
Бусурбанчи гурого тӀокӀ гьавурав гьечӀилан.
Унтаразеги мисал - хӀисаб гьабе сундулго,
Кинаб хӀал бачӀаниги сабругун шукру гьабе.

Унтаразе Аллагьас сахлъи щула гьабеги,
Мунагьал чуриялъе сабаблъун гьеб батаги.
Унти захӀмалъи буго, сабру гьезие кьеги,
Аллагьасул рахъалъан кинабгоги бихьани.

Къадар Аллагьасулин, гӀамал нилъерго буго,
Сабру гьабичӀого тей Гьесде дагӀбади буго.
Аллагьасе рецц буго нилъ гьединал гьечӀолъи,
Аллагьасде таваккал тӀамизе лъалел рати.

МУХIАММАД НУРМУХIАММАДОВ