ЧIухIун хьвадуге
Дица тIолго яцазе,
Диналъул агьлуялъе.
Пайда тIокIаб цо назму
Хъвалеб буго кагътида.
ТIолго гьаб цIаларазул
РакIал иманалъул цIун.
ЧIухIиги нахъе рехун,
Берцинго гьел рукIине.
Воре, ясал, кидаго
ЧIухIи ханлъуда тоге.
ЧIухIун хьвадиялъ инсан
Мекъи ккезе гьавулин.
РекIелъе чIухIи биччан,
Ракьалда нуж хьвадуге.
ЧIухIиялъе къулулев
Вокьуларин халкъалъе.
РакIазулъ чIухIи бугел
КъабихIал къокъабазе.
Дунялги ахиратги
Бичас къварид гьабулин.
ГIадамазда гьоркьор нуж,
ГIаданлъи цIунун хьваде.
ЧIухIухъабазулгун нуж,
РакI цолъунги рукIунге.
Аллагьас Къуръаналда
Аятги рещтIун буго.
ЧIухIарав инсанасда,
Алжанул махI чIваларин.
Гьединго нилъер Расул,
МухIаммадги чIухIичIо.
ЧIухIи рекIелъ рещтIарал
Гьесиеги рокьичIо.
Гьари буго ясазде,
Диналъул яцалазде.
ЧIухIиялда къвал базе
Напсалъе изну кьоге.
Напсалъ кверде росани,
Мекъи кколин кинабго.
Кинго яхI бахъе, яцал,
ЧIухIи нахъе рехизе.
