МархIаба РабигIул-аввал

МархIаба РабигIул-аввал

МархIаба, мархIаба РабигIул-аввал,

Хирияв Авараг нилъей щвараб моцI.

МархIаба, мархIаба диналъул вацал,

Мавлидал цIализе халкъ гIащикълъараб.

АлхIамдулиллагь рецц, БетIергьанасе,

АхIмад-МухIаммадил умматлъун рати.

Свалат-салам дуде нижер Авараг,

Мун вокьаралщинал данделъулеб моцI.

Свалат дуде битIун мун вохизави,

Мун гьавураб итни - рохел нижее.

Къурайшияб тухум, гьашимил кьибил,

Дур мавлидал цIалун хIалкъа гьабила.

Ниж данде ракIари мун вокьи буго,

Дур шафагIат щвейги мурадги буго.

Кверал цереги ккун гьарулеб буго,

ВачIа нижер свери берцин гьабизе.

Умматалъул гуреб ургъел гьабичIев,

Дур умматлъун рати нижее рохел.

Дуде нижер рокьи - рухIгIан хирияб,

Дур шафагIаталде хьул къотIуларо.

Аллагьасул Къуръан жинде рещтIарав,

Умматалъе гIоло рухI жинца кьурав.

Аварагги вокьун, мавлидал цIалун,

РабигIул-аввал моцI берцин гьабилин.

МухIамад Рамазанов