Ахираталде хIадурлъи

Ахират битIун ккезе
Балагьун лъикI гуродай,
Панаяб дуниялалъ
ТIуранго гуккичIого.

Ахираталъул гIумру
Абадияб бугелъул,
Бугелда щукру гьабун
Гьанжего къачIадизин.

Дие, дица, дунгойин
Долларал цIуничIого,
Аллагьас малъаралде
Буссинабун лъикI гурищ.

ГIатIидаб дунялалда
Дагьабги гIемер буго,
ГIизраил вачIун хадуб
Гьелъул пайда гьечIелъул.

Кьер-кьераб квананиги,
Гьарзаяб ретIаниги,
Киназулго хIакъикъат
Хабалазда бугелъул.

МУХIАММАДХIАБИБ КАЛАСОЕВИЧ