Шагьру-Рамазан
Ассалам гIалайкум, дие хириял,
Ислам-дин цIунарал вацалгун яцал.
Баркула нужеда тIаде бачIараб,
Баракат гIемераб Шагьру-Рамазан.
Батаги нилъее гьаб хирияб моцI,
Аллагь вокьиялде нилъ цIакъ ахIараб.
Алжаналъул нуцIби нилъее рагьун,
Иблис, шайтIан рикIкIад гьабулеб моцIлъун.
Мажгитазде какде, таравихIазде,
РачIунезул къадар цIикIкIунеб моцIлъун.
ЦIалараб Къуръанги, гьабураб дугIа,
ХIарп гъоркь хутIичIого къабул гьабеги.
МоцIролго кIалал ккун сахI бахъаразул,
СахIиниб мугь рикIкIун кириги хъваги.
КIалбиччан къояца баркигун ине,
Къуват халкъалъе кье, хирияв Аллагь.
ТIолго росдал агьлу хабалазде ун,
Хваразе цIалараб рухIазе щваги.
Хирияб Рамазан моцIалъул баркат,
ТIубараб лъагIелалъ тIаса унгеги.
