«Ас-салам» газеталде

Саламгун нижехъе сапар бухьунеб,
«Ас-салам» газета, салам дир дуде.
Гвангъун щвараб шагьримоцӀ гӀадин,
Щивасе баракат босун рещтӀунеб.

ЦӀалулесул рекӀей асар гьабулеб,
Исламалъул нухде гӀадамал цӀалеб.
ГӀибадат ккуразе кибего гӀунтӀун
Кумек баракатаб Бичасул сайгъат.

Бичун меседалъухъ босе щолареб,
Баракатаб хайир халкъалъе кьолеб.
Хадур рахъаниги кодоб щолареб,
Камилаб нур рекӀелъ рещтӀинабулеб.

ДагӀваталъул дарсал сабабалъе ккун,
Сахлъулел ракӀазе рохел гӀемераб.
Рагьараб насихӀат нижей гьабизе,
НигӀматлъун Халикъас халкъалъе кьураб.

Хириясул гӀелму, гӀалимазул лъай,
ГӀатӀидго щивасе щвезе гьабулеб.
Шукру дуе Аллагь, АлхӀамдулиллагь,
«Ас-салам» нижее нурлъун гьабурав!

САГӀИД ОРДАШОВ