Аслияб гьумералде

ЦIалдолезул пикраби

ЦIалдолезул пикраби

Газеталъул ахирисеб номералда кьун букIана «Кинал чагIи нужеца лъималазе мисаллъун рачунел» - абураб суал. Гьелъие рачIарал жавабал кьолел руго гъоркьехун:

  • Жидецаго бицунелда гьабулеб гIамал данде кколел.
  • Хасго авараггун асхIабзаби, цинги хадур хутIарал лъикIал чагIи.
  • ГIадамазе кумек бугел чагIи, ай гIалимзаби, тохтурзаби ва цогидалги.
  • Аварагзабазул, имам Шамилил, СалахIудин Аюбил, Нурудин Занкил ва цогидалги имамзабазул бицуна.
  • Мискин-пакъиразе ва чIахIиязе адаб-хIурмат, кумек гьабизе аварагзабазул, устарзабазул ва цогидалги лъикIал чагIазул бицуна.
  • КIикIуниса ГIалихIажил хIакъалъул гIемер бицуна.
  • Нижеца лъималазе мисаллъун рачуна исламалда жаниб жидеца бакI ккурал, исламалда лъалкI тарал хIакъикъиял муъминзаби . Аварагасдаса байбихьун.
  • Иман загlипаб заманалда дица лъималазе кидаго мисалалъе рачуна гlелмуялда гlамал рекъарал гlалимзаби. Гьел ругелъул нилъер аварагасул варисзаби, гьездалъун бугелъул нилъееги лъималазеги хвасарлъи.

Хадусеб номералъе суал «Рокъор лъималгун магIарул мацIалда кIалъалищ нуж? Гьелъул кинал пайдаби рихьулел»?

  • Лъималазе мисаллъун рачуна асхIабзабиги, табигIиналги, мазгьабалъулги имамзабиги, Дагъистаналда ислам цIунарал имамзабиги, гьездаса мисал босани, гьезул нухдасан хьвадани нилъги нилъер наслабиги мекъи ккеларо.
  • Нижеца лъималазе мисаллъун рехсола берцинаб тIабигIаталъул гIадамал, гIалимзаби. Хасго имам Шамил.
  • Как-кIал бугел, махражалда Къуръан цIалулел, иман бугел чагIи.
  • Шамил имам, АхIмад афанди, муфтияталъул гIалимзаби...
  • Лъималазе мисаллъун рачине гIадал гIадамал гIемерал руго. Бищун мустахIикъал аварагзаби рукIинарищха. МухIаммад аварагасул бицуна гIемер. Гьесул асхIабзабазул гIумруялдасаги рицуна гIемерал къисаби. Жакъа ругел устарзабазул, гIалимзабазул ва мисалиял гIадамазул бицинчIого толаро.
  • Дир вуго щуго вас. Дие бокьун буго гьезул щивав цо-цо рахъалъ цеветIуравлъун вукIине. ТIоцебесеб иргаялда, бицуна нилъерго исламиял церехъабазул. Бицуна спортсменазулги. Бусурбанчи вукIине ккола чорхолъ къуват бугев ва рекIелъ иман щулияв.
  • Мисаллъун рачуна цере рукIарал умумул ва цIаларал чагIи. Щайин абуни, умумул рукIана жидерго иш гьаби гурел цоги чагIазул хал-щал гьабун гIунгутIаби хъищуларел чагIи, гIалимзаби - жидер гIелмуги бугел гьелда рекъараб гIамалги ккурал. Гьаб заманалъ мисаллъун щал рачинелалиго лъаларо, гIемерисел руго, щиб гьабулел ратаниги, жидеего пайда кколедухъ гIамал гьабулел.
  • Мисаллъун вачуна МухӀаммад авараг .
  • Как-диналда тIад чIарал, ритIухъал, гIелмиял чагIи. Гьединго эбел-инсул адаб-хIурмат гьабулел, халкъалъе мунпагIат бугел.
  • ЦIакъ гIищкъу буго вас футболистлъун вахъине. Кристиано Роналдол ва цогидал футболистазул бицуна.
  • Лъимал жеги гьитIинго руго, гьелъ мисаллъун щалха рачинел? Исламалъул нух малъула гьезда.

ХIурматиял цIалдолел. Газеталъул щибаб номералда, «ЦIех-рех» абураб рубрикаялда гъоркь, нужее кьезе буго цо-цо суал. Гьелъие жаваб битIизе бегьула СМС хIисабалда гьаб номералде (ватцап): 7-988-458-16-63. Нужеца ритIарал жавабал рахъизе руго хадусеб номералда.

2026-09-01 (РабигIул аввал 1448 с) №17.


Щал кколелали бихьизабуна

Нилъер диналда жаниб кутакаб бакI кколеблъун буго аманат, божилъи гьабураб тIубазаби, ритIухълъи цIуни абураб иш. Гьебги гIицIго гьабулеб гIадатияб ишалда хурхин гуреб, муъминчиясул гIумруялъул Аллагьасулгун ﷻ жиндир бугеб гьоркьоблъиялдаса байбихьун ва хIатта хIайваназул ургъел гьабиялде щвезегIан...


ХIикматал махлукъатал

Попугай ччугIа Пляжал гIуцIулеб. Гьеб ччугIил щибаб чIандероялда руго нус-нус гьитIинал, горал гIадал жал цоцалъ щулаго гъункун лъугьарал, гозоялъул кинниги сипат бугел цаби. Цабиги руго батIи-батIияб маххалдасаги къвакIарал. Цабзаздалъун гьез кораллал къунцIула. Габуралъул рахъалдаги руго жеги...


ДугIаялъул хиралъи

ДугIа гьаби ккола гIибадаталъул ракI гIадаб жо. ДугIа гьабиялда жаниб лагъас жиндирго мискинлъи, гIодовегIанлъи, Аллагьасде ﷻ живго хIажалъи, Аллагьасул ﷻ бечелъи загьир гьабулеб буго. Кинабго жоялъулъ Аллагьасде ﷻ гьардолел рукIине ккола. Нилъее, Аллагьас ﷻ кьураб гурони, щибго жо...


Мавлидазул моцI

ТIадегIанав Аллагьас нилъер умматалъе кьураб кIудияб рахIматалдасан ккола нилъ МухIаммад аварагасул ﷺ умматалдаса гьари. Нилъ гьесул умматалдаса Аллагьас ﷻ гьариялдалъун гьевги кIодо гьавун, нилъее кьуна гIемерал бигьалъаби, цересел умматазе рукIинчIел.   Масала, Муса аварагасул шаргIалда...


БацIцIадаб гIоралда релъараб

Как буго диналъул кьучI ва аслу. Как тарав чиясул дин биххулин абун буго хIадисалдаги. Гьелъул магIна ккола диналъул щулалъи какалда бараб букIунин.   Бусурбанчияс кIвар кьезе ккола какалде. Гьелъул кIвар бицана хIадисалъги: «Дуда лъай, ишазул бищун лъикIаб как бугеблъи...»...