Нужее баяналъе
- Къуръаналда Гьуд авараг чан нухалъ рехсарав?
– 4 нухалъ.
- «Аллагь» абураб рагIи Къуръаналда жаниб чан нухалъ такрарлъараб?
– 2640 нухалъ
- КагIбаялъуб кинаб аят рещтIараб?
– Сура «Нисаъ», аят 58.
- Гьеб аят сундул хIакъалъулъ бугеб?
– Нужехъе аманаталъе кьурал жал тIураян абураб.
- ТIоцебе чода рекIарав чи щив вукIарав?
– ИсмагIил авараг.
- Минбар тIоцебе гьабурав чи щив кколев?
– Тамиму ад-Дари.
- Аллагьас ﷻ ятимзабазул боцIи кваналев чи сунда релълъинавурав?
– Жиндирго чохьониб цIа бугев чиясда.
- Бусурбабазул инженерилан лъида абулеб букIараб?
– Салман Фарисида.
- Бищунго дагь Къуръаналда цIарал рехсарал аварагзаби щал?
– ЯсагI, Зул-Кифл, Иляс ва Идрис. Щивасул цIар рехсон буго кIи-кIи нухалда.
- ХIадисал ракIаризе тIоцебе кIвар кьурав чи щив вукIарав?
– Муслимил вас МухIаммад аз-Зугьри вукIана.
- ТIоцебе кьучIал хIадисазул тIехь лъица гIуцIараб?
– Имам Бухарияс.
