Нужее баяналъе
- Масжидул Акъсаялда бараб какил кири чамалда бащалъулеб?
– 500-ялда
- Аварагасул ﷺ мажгиталда бараб какил кири чамалда бащалъулеб?
– 1000-ялда.
- Масжидул ХIарамалда, ай Маккаялда бараб как чамалда бащалъулеб?
– 100000-ялда
- Какичури гьечIого Къуръан цIализе бегьулищ?
– Бегьула, Къуръаналда хъвалев гьечIони.
- Къиямасеб къоялъул магIна щиб?
– Дунялалъул чIаголъи, гьелъул тадбир лъугIун ккей.
- ФиргIавнил тавбу Аллагьас ﷻ щай къабул гьабичIеб?
– Холеб мехалъ, кIанцIизе бакI тIагIиндал гьабулеб букIиналъ. Кинниги ТIадегIанав Аллагьас ﷻ гьевги гьесул халкъги кантIиялъе гIемерал сабабал кьун рукIана.
- Тушманасул рокъоб тарбия щварав авараг щив вукIарав?
– Муса авараг.
- Туснахъ абураб рагIи чан нухалъ рехсараб Къуръаналда?
– 6 нухалъ, «Юсуф» абураб сураялда.
- Къуръаналда бугеб щиб сураялъе хъизамалъул цIар кьураб?
– Алу ГIимран.
- 40 сон базегIанго кинав кIиго аварагасе авараглъи кьураб?
– ЯхIяе ва Юсуфие.
- Рузман къоялъ щиб сура цIализе бихьизабун бугеб?
– Суратул «Кагьф».
- ТIоцебе тIубанго цадахъ рещтIараб сура щиб?
– «Муддасир».
- Закаталъул баян щиб сураялда баян гьабураб?
– Сура «Тавбат»
- «Алжаналъул кIулин» сунда абулеб?
– «Лаилагьа илла Ллагь МухIаммадун расулуЛлагь».
- Бищун цебе квер щий гIаданалъул къотIараб цIогь сабаблъун?
– Къулабат Махзумият абураб гIаданалъул, Аварагасул ﷺ заманалда.
