Нужее баяналъе
Нужее баяналъе
- Аварагас ﷺ гIанкIу квананищ?
– Кванана. Имам Тирмизиясул «Шамаил» абураб тIехьалда квананин абун рехсана.
- Къуръаналъул ункъо бутIа гьабун цо бутIаялда щиб сура бащалъулеб?
– Сура «Кафируналда».
- Аварагасул ﷺ МухIаммад абураб цIар чан нухалъ рехсараб Къуръаналда?
– Ункъо нухалъ.
- ХIарпаздалъун байбихьараб, (рагIиялдалъун гьечIого) чан сура бугеб Къуръаналда?
– 29 сура буго, масала, «Ясин», «ТIагьа» ва гьел гурелги.
- Къуръаналъул бащалъиялъул кириялде бахунеб сура щиб кколеб?
– Сура «Залзалат».
- Сура «ФатихIаялъул» бисмиллагь тIадаб бугищ цIализе ва гьеб аятлъун кколищ гьелъул?
– Сура «ФатихIаялъул» бисмиллагь цIализе тIадаб буго ва гьеб аятги ккола.
- Цере рукIарал умматаз кIал кин кколеб букIараб?
– Щибаб моцIрол лъаб-лъаб къоялъ.
- Щай абулеб рамазаналда Къуръаналъул моцIилан?
– Щайгурелъул, гьеб моцIалъ Къуръан рещтIун букIун.
- ЦIикIкIун Аварагасда ﷺ релълъарав асхIаб щив вукIарав?
– ХIасан, Аварагасул ﷺ ясалъул вас.
- Кинав аварагасул амруялдалъун гьури пулеб букIараб?
– Сулайман аварагасул.
- Къуръаналъул ракIилан сунда абулеб?
– Сура «Ясиналда».
- Лъица Аварагасде ﷺ гIантал ва гIисинал лъимал тIаде тIамун рукIарал гьев гьезухъе индал?
– ТIаифалъул агьлуялъ.
- ХIасанул Басриясул тIокIцIар щиб букIараб?
– Абу СагIид.
- Минбар тIоцебе гьабурав чи щив кколев?
– Тамиму ад-Дари.
