Нужее баяналъе
Нужее баяналъе
1. НахIвиялъул амир абун лъие цIар кьураб?
– НахIвиялъул гIалим Сибавайгьиясе.
2. Жакъа чан мазгьаб бугеб хIукму къотIиялъулъ?
– 4 мазгьаб.
3. Кинал мазгьабал гьел кколел?
– Имам Абу ХIанифал, имам Маликил, имам ШафигIил, Имам АхIмадил.
4. ГIакъидаялда жаниб чан мазгьаб бугеб?
– Лъабго.
5. Щал гьел?
– АшгIариял, Матуридиял ва Асаритал. Асариталги ккола битIараб нухда ругел, гьел руго имам АхIмадил мазгьабалъулал, гьесулги битIараб гIакъида букIана.
6. Къуръаналъул ракIилан
сунда абулеб?
– Сура «Ясиналда».
7. ТIоцебе кьучIал хIадисал лъица данде гьарурал?
– Имам Бухарияс.
8. Лъил амруялдалъун тIоцебе хIадисал данде гьаризе байбихьараб?
– ГIумар бин ГIабдулгIазизил амруялдалъун.
9. Бисмиллагь АлхIамалдаса аятлъун рикIкIунищ?
– РикIкIуна.
10. Ибрагьим авараг кив гьавурав?
– ГIиракъалда.
11. Чан Бисмиллагь бугеб Къуръаналда?
– 114.
12. Ислам абураб рагIи чан нухалда рехсон бугеб Къуръаналда?
– 53 нухалда.
13. Къуръан абураб рагIи чан нухалда рехсон бугеб?
– 68 нухалъ.
14. «Зубдатул Мухари», къокъ гьабураб, имам Бухариясул хIадисалъул тIехь лъица хъвараб?
– ГIумар Зиявудиновас. Гьевги ккола дагъистанияв.
