Нужее баяналъе

– Ахиралда рещтIараб сура щиб букIараб?

– Сура «Бараат».

– Халатал анкьго сураби щал кколел?

– «Бакъара», «ГIимран», «Нисау», «Маидат», «АнгIам», «АгIраф», «Юнус».

– «НахIвиялъул амир» абун лъие цIар кьураб?

– НахIвиялъул гIалим Сивабайгьиясе.

– Рамазан моцIалъ имам ШафигIияс чан нухалъ Къуръан цIалун лъугIизабулеб букIараб?

– 60 нухалъ.

– Къуръаналда ругел сурабазул тартиб Аварагас ﷺ чIезабунищ бугеб яги асхIабазул ижтигьадалъищ?

– Аварагас ﷺ чIезабуна.

– Кинаб кIиго мегIер рехсараб Къуръаналда жаниб?

– Сафа ва Марва. Гьеб кIиябго мегIер хIеж борхулезда батула.

– Рузманалъул как балаго Аварагас ﷺ щал сураби цIалулел рукIарал?

– Сура «Гъашият» ва «АгIла» цIалулаан.

– Кинаб аят кколеб ТIадегIанав Аллагьас ﷻ кинабниги сахлъи жиндилъ данде гьабураб?

– Сура «АгIрафалъул» 31-абилеб аят. «Нуж кванай ва гьекъей, амма исрап гьабуге», - ян абураб.

– Бокьарав чияс хIадисги цIалун гьелъие хIукмаби кьезе бегьулищ?

– ГIемерал имамзабаз абуна, факъигьасе хутIун цогидал гIадамал гьелъ къосеналде цIалин. ХIадис цIали ва гьелъие хIукму кьей кIиго батIияб жо буго. Гьединлъидал ибну Вагьбица абураб Маликидаги Лейсидаги цеве цIалун вукIинчIевани дун гьалаглъилаанилан.

– ГIаишатица чан хIадис бицараб?

– 2210 хIадис бицана.

ШАМИЛ МУХIАММАДОВ