Нужее баяналъе
- Къуръан рещтIунеб мехалъ вахIю хъвалезул бищун машгьурав щив вукIарав?
– Зайд ибну Сабит.
- Къуръан цо тIехьалда данде гьабизе пикру лъица кьураб?
– ГIумар ибну ХатIабица.
- Щиб сордоялъ Къуръан тIоцебе рещтIине байбихьараб?
– Лайлатул къадриялъул сордоялъ.
- Маккаялъул сурабийилан сунда
абулел?
– Гьижра гьабизегIан рещтIарал сурабазда абула.
- Мадинаялъул сураби щал кколел?
– Гьел ккола гьижра гьабун хадур рещтIарал сураби.
- Къуръан МухIаммад ﷺ аварагасухъе лъица бачIунеб букIараб?
– Жибрил малаикас.
- Щиб моцIалъ Къуръан рещтIараб?
– Рамазан моцIалъ.
- Аварагасул ﷺ бищун кIудияб мугIжизат щиб кколеб?
– Къуръан ккола.
- Имам Муслимил хIадисазул тIехь баян гьабулеб бищун машгьураб тIехь лъица хъвараб?
– Имам Нававияс. ЦIар - «ШархI СахIихIу Муслим».
- СиратI чан нухалъ рехсараб?
– 38 нухалъ.
- СалихI аварагасул цIар Къуръаналда чан нухалъ рехсараб?
– 9 нухалъ.
- Кив гIурав ГIиса авараг?
– Палестинаялда.
- МикагIил чан нухалъ рехсарав?
– 1 нухалъ.
- 40 сон базегIан кIиго аварагасе авараглъи кьуна, щал гьел?
– ЯхIя ва Юсуф.
- Къуръаналда ТIадегIанав Аллагь ﷻ гьедараб шагьар щиб?
– Макка.
