Нужее баяналъе
- АттахIиятуялда хадуб какилъ щиб цIализе суннатаб бугеб?
– «Ибрагьимияб салават», Кама саллайта.
- Аллагьасул ﷻ чан цIар рехсараб Къуръаналда?
– Киналго рехсана.
- Къуръаналда бугеб тIоцебесеб сура щиб?
– Суратул «ФатихIа».
- Ансаразул сайидин абун лъида абулеб букIараб?
– СагIд бин МугIазида.
- ГIусман-асхIабасул халиплъи гьаби кида байбихьараб?
– 24-абилеб гьижрияб соналъ.
- Имам Бухарил бищун лъикIав мутагIил щив вукIарав?
– Имам Муслим.
- Аварагасухъе ﷺ Къуръан лъица рещтIинабулеб букIараб?
– Аллагьас ﷻ, ЖабрагIил малаикасдалъун.
- Имам Бухарил тIехьалда хадуб бищун кьучIаб тIехь лъил рикIкIунеб?
– Имам Муслимил.
- Нилъер умматалда бищун гурхIулев щив вукIарав?
– Абубакар.
- ГIумар-асхIабасе «Фарукъ» абун кьураб цIаралъул магIна щиб?
– БитIараб ва тIекъаб батIа бахъизе лъалевин абураб.
- Къуръаналда ЖабрагIил малаикасул цIар рехсанищ?
– Рехсана.
- Аллагьас ﷻ абураб жоялъул цIикIкIун цIодорлъи ва халгьабулев щив вукIарав?
– ГIумар-асхIаб.
- Бищун лъикI Къуръан цIалулев чи щив вукIарав?
– Убаю бин КагIб.
- Бищун хирияб гIелму щиб?
– ГIакъидаялъул гIелму. Щайин абуни, Аллагьгун ﷻ хурхараб букIиналъ.
