Нужее баяналъе
1. Аварагас ﷺ чан нухалда гIумра гьабураб?– 4 нухалда.2. Зам-зам лъел щиб хиралъи бугеб?– Щиб нияталда гьекъон батани, гьелда релълъараб хиралъи буго. 3. Лъимаде йигей гIаданалъул гIидда кинаб букIунеб?– Лъимер гьабизегIан. Лъимер гьабидал гьелъул гIидда лъугIула. 4. Нардал хIазе бегьулищ?– Бегьуларо, хIарамаб буго.5. Къуръаналда бугеб «Явмул МавгIуд» абураб рагIиялъул магIна щиб?– Къиямасеб къо абураб.6. Къуръаналда бищун гьитIинаб сура щиб? – Сура «ал-Кавсар».7. СихIручиясул тавбу бегьулищ?- Бегьула. Аллагьас ﷻ абун буго ширк хутIун цогидаб жоялдаса тIаса лъугьунин. 8. Аварагасул ﷺ имгIалзабазул хIакъалъулъ бицун щиб сура рещтIараб? – Сура «ал-Масад». 9. Адам аварагасул бищун кIудияв вас щив вукIарав?– Къабил.10. Халкъалъул эменилан лъида абулеб?– Адам аварагасда абула.11. Аллагьас ﷻ ятимзабазул боцIи кваналев чи сунда релълъинавурав? – Жиндир чахьалда жаниб цIа бугев чиясда.12. Къуръаналда Гьуд авараг чан нухалъ рехсарав?– 4 нухалъ. 13. Щиб мугIжизат бугеб даимаб, нахъе инчIеб? – Къуръан.14. Аварагзабазул эменилан лъида абулеб?– Ибрагьим аварагасда.
