Нужее баяналъе

1. Ирс щолел чагIазул хIакъалъулъ баян щиб сураялда рехсараб?

– Сура «Алу ГIимраналда».

2. Щиб сураялъ баянго рехсараб Бадруялъул гъазават?

– «Анфал» сураялъ.

3. Юсуф аварагасда макьилъ бихьараб бакъулги, моцIролги, анцIила цо цIваялъулги магIна щиб букIараб?

– Бакъул магIна – эбел, моцIрол - эмен ва цIвабзазул магIна - анцIила цо гьесул вац.

4. «ХIажр» абун суралъе цIар щай кьураб?

– Кьурабазда ругел чагIи рехсеялъ. Гьез аварагзаби гьереси гьаруна.

5. «Исраъ» абун суралъе цIар щай кьураб?

– Маккаялдаса Масжидул Акъсаялде сардилъ вачиналъул бицен гьабун букIиналъ.

6. ХIеж абураб рагIи чан нухалъ рехсараб Къуръаналда?

– 9 нухалъ.

7. «ИхIя гIулумуддин» абураб тIехь лъица хъвараб?

– Имам Гъазалияс.

8. Алжанги жужахIги рижанищ нахъе хутIизелъун?

– Гьел кидаго рукIине руго гIалимзабаз рехсараб къагIидаялъ.

9. ЦIар тIамиялъул хIукмаби щиб сураялда рехсараб?

– «Бакъара, «АхIзаб», «ТIалакъ» сурабазда.

10. Сарид абураб тIагIам тIоцебе кваназабурав чи щив?

– Гьашим ибну ГIабдуманаф.

11. Маккаялъул церехъабаз щив витIарав Аварагас ﷺ дагIват тезе абун кIалъазе?

– ГIутбат ибну РабигIа

12. Мадинаялде Аварагас ﷺ витIарав МусгIаб ибну ГIумайр лъихъ рещтIарав?

– АсгIад ибну Зураратихъ.

13. Мадинаялда тIоцебе имамлъи гьабун рузман лъица бараб?

– АсгIад ибну Зураратица.

14. Чан чи вукIарав гьеб мехалъ?

– 40 чи.

15. Мадинаялде Авараг ﷺ щиб моцIалъ щварав?

– РабигIул аввал моцIалъ.

Шамил МухIаммадов