Нужее баяналъе

Нужее баяналъе

1. Исламалда жанив тIоцеве туснахъ гIуцIарав чи щив вукIарав?

– ГIали асхIаб.

2. Рузман сордоялъги рузман къоялъги щиб сура цIализе беццараб бугеб?

– «Кагьф» сура ва гьединго «Духан». Гьезул хIакъалъулъ рачIарал кьучIал хIадисал руго.

3. Исламалъул гIелмаби киса рачIарал?

– Къуръаналдасаги хIадисаздаги. Киналго хIукмаби гьениса росана.

4. Имам Муслимил хIадисазул тIехьалда бищун машгьураб баян кьолеб тIехь лъица хъвараб?

– Имам Нававияс.

5. ГIалимзабазул султIанилан лъида абулеб?

– ГIизуддин ГIабдуссаламида.

6. Къуръаналда чан жуз бугеб?

– 30.

7. ТIоцебе лъида цебе рагьизе ругел алжаналъул нуцIби?

– МухIаммад аварагасда.

8. Аллагьас тIоцеве витIарав расул щив?

– НухI авараг.

9. Жидер рокъобе тIоцебе Къуръан рещтIарал муъминзабазул улбул щал?

– Хадижат, ГIаишат ва Умму Саламат.

10. Къуръаналда малаикзабийищ яги шайтIабийищ гIемер рехсарал?

– КIиялго ращадго рехсана, ай 68 нухалда.

11. Къуръаналда тIокIцIар жинде абурав щив?

– Абу Лагьаб.

12. Какил гIужазул цIар кьурал сураби щал?

– Суратул «Фажр» ва суратул «ГIаср».

13. Мадинаялда тIоцебе жинда жаниб Къуръан цIалараб мажгит щиб?

– Бану Зарикъ абураб мажгит.

14. Къуръаналда чанго нухалъ рехсараб къо щиб?

– Къиямасеб къо.

ШАМИЛ МУХIАММАДОВ