Нужее баяналъе
Нужее баяналъе
- Щиб соналъ хIеж тIадаблъун гьабураб?
– ИчIабилеб гьижрияб соналъ.
- Къуръаналда бищун кIудияб къиса лъил хIакъалъулъ бугеб?
– Юсуф аварагасул хIакъалъулъ.
- Имам ШафигIил мугIалим щив вукIарав?
– Муслим бин Халид Занжийи.
- Аварагас ﷺ гIумра чан нухалъ гьабураб?
– Ункъо нухалъ.
- Бащдаб Къуръаналда бащалъулеб сура щиб?
– Сура «Залзалат».
- Къуръаналде гIагараблъун щиб тIехь рикIкIунеб?
– «ИхIяу гIулумуддин» абураб имам Гъазалиясул тIехь.
- Къуръаналда бищун гIемер такрарлъараб калима щиб кколеб?
- Аллагь абураб калима. Гьеб такрарлъана 2640 нухалъ.
- Какги закагIатги Къуръаналда чан нухалъ рехсараб цоцада хурхинабун?
– 26 нухалъ.
- «Ар-РахIман» сураялда гьедин цIар щай тараб?
– Аллагьас ﷻ РахIман абун байбихьиялдалъун.
- Бищун къокъаб сура щиб?
– Сура «ал-Кавсар».
- Маккаялда чан сура рещтIараб?
– 85 сура.
- Мадинаялда чан сура рещтIараб?
– 29 сура.
- Кинаб сура байбихьараб Аллагьасул цIаралдалъун?
– Сура «ар-РахIман».
- Жиндалъун гурони как буцIцIунареб сура щиб?
– Суратул «ФатихIа».
- Къуръаналдаги рехсарал, жидеца Аллагь мискинав вугин, жал бечедал кколин абулел
чагIи щал кколел.
– Ягьудиял.
