Нужее баяналъе
- Щиб сураялда Аллагьас мунафикъазабазе «шайтIаналъул партия» абун цIар кьураб?
– Сура «Мужадалат», аят 19.
- Къуръаналда закагIатги какги цадахъ чан нухалъ рехсараб?
– 26 бакIалда рехсана.
- Кинаб сураялда жаниб Аллагьасул 12 цIар рехсараб?
– Сура «ХIашр», аят 23-24.
- Сура «ЖумгIат» абун щай абураб?
– Аллагьас ﷻ жумгIат абун, ай рузман къо рехсон букIиналъ.
- «НухI» абун сураялъе цIар щай кьураб?
– Гьесда сверун чанго къиса рехсеялъ. Аллагьас ﷻ нужехъе гьев авараглъун витIанинги рехсана.
- Щиб сураялда жаниб 18 аварагасул цIар рехсараб?
– Сура «АнгIам».
- Юсуф аварагасул цIар Къуръаналда жаниб чан нухалъ рехсараб?
– 26 нухалъ.
- Ибрагьим абун сураялъе цIар щай кьураб?
– Ибрагьим аварагас Аллагьгун ﷻ мунажат (кIалъай) гьабиялъ.
- Сура «Кагьф» абун щай цIар кьураб?
– Гьениб асхIабул кагьфал рехсон рукIиналъ. Гьел рукIана иман бугел гIолохъаби, жидер дин цIунизелъун нохъоде арал.
- Юнус аварагасулги, гьесул къавмалъулги ва киталда хурхарабщинабги кинаб сураялда рехсараб?
– Сура «Саффат».
- Сура «Къаф» абун цIар щай кьураб?
– Къаф абураб хIарпалдалъун байбихьиялъ.
- «РахIман» абун сураялъе цIар щай кьураб?
– РахIман абун байбихьиялъ.
- Сура «Ннас» абун щай абулеб?
– Ннас абун рехсеялъ. Гьеб рагIи 5 нухалъ такрарлъана.
- Маккаялда сарид абураб квен тIоцебе гIадамазе кваназе кьурав чи щив вукIарав?
– Гьашим ибн ГIабдулманаф.
