Баркала кумекалъухъ
ХӀурматияб «Ас-салам» газеталъул редакция! Газета гьоркьобккун нижее, Хунзахъ районалъул ТӀадколоб росулъа ХӀажиев ГӀалискандил хъизамалъе, бокьун буго баркалаялъул калам загьир гьабизе нижее хӀажалъи ккедал кумекалъе ратарал гӀадамазе.
Исана 13 июналда цӀаги рекӀун нижер мина, жаниб букӀараб магӀишат нахъе бисизе щибго жо щвечӀого бухӀана. АлхӀамдулиллагь, Аллагьасе рецц, чиясе зарал ккечӀо. Гьеб къварилъиялда рукIаго нижехъе рачӀана «Инсан» фондалъул районалда бугеб филиалалъул жавабиял ва гьабуна кумек. Ниж мина цӀи гьабизе лъугьана. Амма гӀадамазул кумек гӀарцудалъун гьабун лъугIичIо.
Нижее кумекалъе рахъана росдал жамагӀат, аскӀор ругел ГӀочӀлоб МочIохъ ва Гьарадерихъ росабазул гӀолохъаби. Жакъа къоялде щвезегӀанги гӀадамаз гьабулеб ишалъулъ гӀахьаллъи гьабула, хӀалае рахъуна.
Гьелъ, нижее бокьун буго, тӀоцебесеб иргаялда, БетӀергьанасда гьаризе тохлъукьего рачӀунел балагь-къварилъабаздаса киналго цӀунун хутIагийин абун. Хадуб, гӀарцудалъун бугониги, кверзул багъариялдалъун батаниги, ракӀ батизабун сабруялъул рагӀи абурал ругониги, щивасе баркала буго. Гьарула киназего сахлъи, гьабулелда баракат лъей, лъимал-хъизаналдаса, магӀишат-яшавалдаса разилъи. Аллагьас къабул гьабеги щивасул кумек, гьабураб садакъа. Киназего баркала, Аллагь разилъаги нужедаса.
