Нужее баяналъе

1. Щиб аяталъ алфавиталъул тIолалго хIарпал данде гьарурал?

– 154 аят, сура «Али ГIимран».

2. Аманат абураб рагIи Къуръаналда чан нухалъ рехсараб?

– 1 нухалъ.

3. Къуръаналъул хъаравул абун лъие цIар кьун букIараб?

– ГIумар асхIабил яс ва Аварагасул чIужу ХIафсатие.

4. Яъжуж Маъжужазе къед лъица бараб?

– Зул-Къарнайница.

5. Къуръаналъул эбелилан сунда абулеб?

– Сура «ал-ФатихIаялда».

6. ГIадамазул цIар кьурал, ай жал аварагзабиги гурел, кIиго сура щиб?

– Марям ва Лукъман.

7. СихIруялъул хIукму щиб?

– ШаргIалъ хIарам гьабуна

8. ГIарабазул эменилан лъида абулеб?

– ИсмагIил аварагасда.

9. Къуръаналда гьел рехсана гьерсихъабилъун, амма гьел алжаналде уна. Щал гьел кколел?

– Гьел ккола Юсуф аварагасул вацал.

10. Персазул щив ханас Аварагас битIараб кагъат бихъ-бихъун бараб?

– Кисра Ану Ширваница.

11. Зубайр бин ГIавамица, ислам босидал, чан сон бан букIараб?

– 16 сон.

12. Сура «ФатихIаялъул» бисмиллагь тIадаб бугищ цIализе ва гьеб аятлъун кколищ гьелъул?

– Сура «ФатихIаялъул» бисмиллагь цIализе тIадаб буго ва гьеб аятги ккола.

13. Алжаналъул кIулин сунда абулеб?

– «Лаилагьа илла Ллагь МухIаммадун расулуЛлагь».

14. Халкъалъул эменилан лъида абулеб?

– Адам аварагасда.

ШАМИЛ МУХIАММАДОВ