Нужее баяналъе

Нужее баяналъе

1. Бищун лъикI Аварагасда ﷺ релълъенлъи гьабун, гьесда нахъвилълъунев асхIаб щив вукIарав?

– ГIабдуллагь ибну ГIумар.

2. Имам Тирмизи кида гьавурав?

– 209 соналъ.

3. Лъимадуе лъикIаб, берцинаб цIар кьезе кколищ?

– Суннатаб ва лъикIаб буго гьединаб цIар кьезе.

4. Лъезе лъикIал гьечIел, карагьатал цIарал рукIунищ?

– РукIуна. Гьелги руго къабихIаб ва квешаб магIна кьолел цIарал.

5. Лъезе хIарамал цIарал ругищ?

– Гьел ккола ТIадегIанав Аллагьасда ﷻ хасал цIарал.

6. ИгIтикафалъул магIна ва гьелъул хIукму щиб?

– ИгIтикаф суннат ккола. ИгIтикаф ккола, хасаб ниятги гьабун, мажгиталъув чIей.

7. Къуръаналъул магIна бачараб сура щиб кколеб?

– ФатихIа.

8. Къуръан цIалулезул сайидилан лъида абулеб букIараб?

– Убаю бин КагIбида.

9.  «Умматалъул божи» абураб цIар лъие кьураб?

– Абу ГIубайд бин ЖарахIие.

10.  «Муснад» абураб тIехьалъул автор щив?

– Имам АхIмад.

11.  Варани Къуръаналда чан нухалъ рехсараб?

– КIиго нухалда. 

12.  Какие чурун бахъиндал щиб сура цIализе бихьизабун бугеб?

– Сура «ал-Къадр».

13.  Хварасдасан балеб как щиб?

– Жаназалъул как.

14.  Умму Хани щий кколей?

– Аварагасул яцгIал, Абу ТIалибил яс ва ГIали-асхIабил яц.

15.  Имам Навави кида гьавурав?

– 631 гьижрияб соналъ.

Шамил МухIаммадов