Нужее баяналъе

1. ГIумар-асхIабас Ислам босидал Маккаялъул мушрикиназ щиб абураб?

– Гьанже нилъерги бусурбабазулги къуват бащалъанин абуна.

2. Исламалъул лъабабилев халифа щив?

– ГIусман-асхIаб.

3. ФиргIавнил рокъов щив авараг хьихьарав?

– Муса авараг.

4. Чанго как бецIулеб мехалъ тIадаб бугищ тартиб цIунизе?

– ГьечIо. Суннатаб буго.

5. ЧIужуялдаса ратIалъаниги, якьадалда хъвани, какичури биххулищ?

– Биххуларо.

6. Эбелалъ гьайичIого йижарай гIадан щий?

– ХIава.

7. «Жин» абун сураялда цIар щай тараб?

– Щайгурелъул авалалда аварагасде хитIаб гьабуна жиналги рехсон.

8. Абу Гьурайратица ислам кида босараб?

– Хайбар бахъараб мехалъ, гьижрияб анкьабилеб соналъ.

9. Къинай чIужугIаданалъул гIидда кидалъизегIан букIунеб?

– Лъимер гьабизегIан.

10. Ярмук гъазаваталда цевехъанлъун щив вукIарав?

– Халид бин Валид.

11. ГIали-асхIаб щиб заманалда чIварав?

– 18-абилеб рамазаналъ, гьижрияб 40-абилеб соналъ.

12. Салманул Фарисиясе вацлъун щив гьавурав аварагас ?

– Абу Дардаъ.

13. Иляс аварагасул халкъ киб букIараб?

– БагIлабакка абураб бакIалда. Жакъасеб къоялъ гьеб бакIалда цIар буго «Балабак», гьебги ккола филиппиназул ракь.

14. Аюб аварагас чан соналъ балагь хIехьараб?

– 18 соналъ.

15. Сабруялъул бицунеб мехалъ щив авараг ракIалде щолев?

– Аюб авараг.

16. Къуръаналда бугеб кIиго сураялда абула «Ихлас» абун, щал гьел?

– Сура «Ихлас» ва «Кафирун».

17. Къуръаналъул мурад щиб?

– ГIадамазе гIумру гьабиялъе нух, къанун бихьизаби.

18. Щиб мугIжизат бугеб даимаб нахъе инчIеб?

– Къуръан.

ШАМИЛ МУХIАММАДОВ