Нужее баяналъе
- Бищун тIадегIанаб сура щиб?
– Сура «ФатихIа».
- Сура «Кавсаралъул» чан аят бугеб?
– Лъабго аят буго. Гьеб ккола бищун къокъаб сура.
- Гъеду щиб сураялда рехсараб?
– «Маидат» сураялда.
- ТIадегIанав Аллагьас лъида абураб: «Дун дудаса рази вуго ва мун вугищ Дидаса рази»? - ян.
– Абубакарида.
- Гьеб хабар аварагасухъе лъица босун бачIараб?
– ЖабрагIил малаикас.
- Юнус авараг чан нухалъ Къуръаналда рехсарав?
– Ункъо нухалъ.
- «СахIибу ррасул» абун тIокIцIар лъие кьун букIараб?
– Абубакарие.
- Къуръаналда рехсараб алжаналъул гъотIода цIар щиб?
– ТIуба.
- Кида чIварав ГIали бин Абу ТIалиб?
– Гьижрияб 40-абилеб соналъул 17-абилеб рамазаналъ.
- Исламалда тIоцевесев къази (судияв) щив вукIарав?
– ГIумар бин ХатIаб.
- Минбар тIоцебе гьабурав чи щив кколев?
– Тамиму ад-Дари.
- Къуръаналъул адабазул «Тибьян» тIехь лъица хъвараб?
– Имам Нававица.
- Къуръаналда рамазан моцI чан нухалъ рехсараб?
– Цо нухалъ.
- Бищун кьучIаб хIадислъун кинаб рикIкIунеб?
– Имам Бухари ва Муслим тIадрекъараб хIадис.
