Нужее баяналъе
Нужее баяналъе
1. Гьаб умматалъул Юсуфилан лъида абулеб букIараб?
– Жарир-асхIабасда.
2. Рузман къоялъ цIализе хирияб сура щиб?
– Сура «Кагьф».
3. Гьеб сураялда жаниб щиб бицунеб буго?
– Гьениб рехсана ритIухъал, дин ккурал гIолохъабазул хIакъалъулъ. Гьел нохъоги биххун жанир хутIула. ЛъикIал гIамалаздалъун Аллагьасде ﷻ ахIи бан, къватIире рорчIула. Гьел ккола Алжаналъул агьлу ва гьезда цадахъ букIараб гьойги Алжаналъубе ккола.
4. Кинаб хIалалда накълулъарав Давуд авараг?
– Сужда гьабулаго.
5. Закария аварагасул щиб махщел букIараб?
– ЦIулал устарлъи.
6. Гъуялъуве Юсуф авараг рехидал, гьев чан сон барав чи вукIарав?
– 14 сон барав чи вукIана.
7. Щиб моцIалъ Таврат рещтIараб?
– Рамазаналъул анлъабилеб къоялъ.
8. ТIоцебе «Бисмиллагьи ррахIмани ррахIим» абун лъица абураб?
– Сулайман аварагас.
9. Чан нухалда Адам аварагасул цIар Къуръаналда рехсон бугеб?
– 25 нухалда.
10. Бусурбанчияс рокъоб цIалани жиндаса шайтIан лъутулеб сура щиб?
- Сура «ал-Бакъара».
11. Къуръаналъул тIогь щиб?
- Сура «ал-Бакъара».
12. Мадинаялда цIар кин рехсон бугеб Къуръаналда?
– Ясриб.
13. ЖабрагIил малаик Аварагасухъе ﷺ щиб сипаталдалъун вачIунев вукIарав?
– ДихIятул Калби абурав асхIабасул сипаталдалъун.
