Казияталдасан пайда щвана
Казияталдасан пайда щвана
ГъазМухIаммадов Жамалудин ккола Хунзахъ районалъул Харахьи росулъа. ЦIалана экономистасул махщалие. ХIалтIана батIи-батIиял идарабазда бухгалтерлъун. ГьабсагIаталда гIумру гьабун вуго ЦIияб Хушет поселокалда. Кидаго букIана спорталъулгун щулияб гьудуллъи. Гьанже нахъацин гIолохъабазда кIоларел гьунарал гьарулаан Жамалудиница турникалда. Гьесул хIакъалъулъ телевидениялъ передачацин бахъун букIана.
Киве кканиги как-кIал течIо, хатму-свалаталде хьвадана. Хушеталда бугеб мажгиталъул жигарав жамагIатчиги ккола Жамалудин. ГIалимзаби, устарзаби цIунулел волонтеразул къокъаялда гъорлъги вуго гьев.
Росдал гIолохъабаз гIарацги бакIарун гьесие сайгъат гьабуна машинаги.
«Ас-салам» казияталъул божарав гьудулги ккола Жамалудин. Гьес абула жив гIелму цIаларав чи гурин, амма «Ас-салам» казияталдасан гIемераб пайдаяб гIелму щванин абун.
