Къуръаналда рехсараб
Нужеда лъалищ варани ракьалда бищунго камилго ургъарал рухIчIаголъабазул цояб букIин. Цогидал хIайванал, къокъабго заманалда жаниб хвезе рес бугеб бакIалда, варани парахатго букIуна.
Вараниялъ гIумру гьабула 50 градусалде цIа-кан бахунеб салул авлахъалда, амма гьелдаго цадахъ гьезда кIола лъим гьечIого яги хIухьбахъи гьабичIого анцI-анцI километр нахъе тезе. Аллагьас ﷻ гьезул чорхолъ унго-унголъунги гIажаибал гIаламатал лъун руго.
Авлахъалда гIурччинлъиго гьечIин абизе бегьула - аслияб къагIидаялъ заз-хъарахъ ва бакъвараб хер букIуна. Амма варанидул кIал гьедигIан щулияб букIуна, гьелъ заз-хъарахъ щибго зарал ккеларедухъ кванала.
Гьелъул биццатаб тIомалъ цIунула гьеб бухIулеб багIариялдаса ва цIорорал авлахъазул сардаз хинлъизеги гьабула. Гьелъул гIатIидал ва тамахал щанкIлаз салудасан унаго гъорлъе тIерхьун ине толаро.
Салул гьури бахъунеб мехалъ лъугьуна цоги мугIжизат: тIатIала ругел кIитIелхал гъункун рачIуна ва берал цIунула бецц гьарулеб салудаса.
Вараниялъул цониги къваригIунареб лага гьечIо. Щибаб жо гIумруялъе хIажатаб хIалалда гIуцIун буго. Гьебги Аллагьасул ﷻ хIалкIолъи.
ТIадегIанав Аллагьас ﷻ нилъ ахIулел руго пикру гьабиялде (магIна): «Гьал Маккаялъул мушрикал кин ралагьуларел варанабазухъ ва пикру щай гьабулареб Аллагьас киндай гьел рижун ругелин абун». (Сура «Ал-Гъашият», аят 17)
