ЛъикIаб гIамалалъ берцин гьарула
Инсан лъазе ккани, цIамул гьир цадахъ кваназе кколин абураб аби буго нилъер.
ГIемераб халлъула гIадамазда гьоркьоб чиясул тамахлъи яги хIеренлъи загIиплъилъун яги хIинкъилъун рикIкIунеб. Цо-цо чагIазда ккола жиндие лъикIлъи гьабурав чи кидаго налъулавлъун вукIине кколинги. ГьабичIого тани яги бажаричIого хутIани, бадибчIваялги гьарула. ГIажаиблъи гьабулеб жо, жиндир ракIбухIун бугеб гIадин цересанги рукIун, нилъедаса рикIкIалъидал ратула кIиго тIадги лъун нахъасан хабар бицунел. КIочене бегьуларо кIигьумерчиясул тIабигIатазул цояб кколеблъи къотIуе хиянатлъи. Гьединго гьеб цIакъ рокьукъаб пиша бугеблъиги. Бусурманчиясда рекъоларо гьединаб гIамал. Щайгурелъул, муъмин ккола жиндаса диналъул вац-яцазе зарал гьабурав чи. Киданиги кIочене бегьуларо нилъер ахир руссунеб бакI Ахират бугеблъи. Аллагьасдаги лагъасдаги гьоркьоб бугеб мунагь, кигIан кIудияб бугониги, тавбу гьабуни хадуб чурула, амма кIиго лагъасда гьоркьоб бугеб жоялдаса Халикъ тIаса лъугьунаро, дов лъугьинчIони. Гьединлъидал гьеб буго цIакъ цIодорлъи гьабизе ккараб жо.
Инсан берцин гьавула лъикIаб тIабигIаталъ. Квешал ахлакъаздаса рацIалъизе ккани, Аварагасул ﷺ гIумру, тарих лъазе ккола. Аллагьас нилъ киналго цIунаги диналъул вац-яцазул ракI бекулеб хиянатаб гIамалалдаса. Амин.
