Аслияб гьумералде

Аллагьасул тIахьал

Аллагьасул тIахьал

Щивав бусурманчияс ракIчIезабизе ккола ТIадегIанав Аллагьас аварагзабазухъе тIахьал рещтIун рукIиналда. Гьезул данде гьаруралги руго, нилъеда лъаларелги руго. Данде гьабураб ункъо тIехь букIана.

ТIоцебесеб – Таврат.

Гьебги Аллагьас Муса аварагасде рещтIун букIана. Амма ягьудиязул цIаларал чагIаз гьелъул гIемерисеб хисизабуна ва балъго гьабуна. ХIакъикъияб Тавраталъул дагьа-макъаб жо гурони хутIичIо. Гьедин абуна ТIадегIанав Аллагьас Къуръаналда.

КIиабилеб – Забур

Гьебги Давуд аварагасде рещтIун букIана.

Лъабабилеб – Инжил

Гьеб ГIиса аварагасде рещтIун букIана. Гьелъулъги тIоцебе букIаралдаса гIемераб хиса-баси гьабуна. Инжилазда гьоркьоб бищунго битIаралде гIагараблъун рикIкIуна Барнабал Инжил. ГьабсагIаталда насраниязухъ кодор ругел ЮхIанал, Лукъал Инжилаздаги гьелдаги гьоркьоб кIудияб батIалъи буго

Ункъабилеб – Къуръан,

нилъер МухIаммад аварагасде рещтIараб. Гьелъул ункъо цIар буго: Къуръан, Китаб, Аззикру, Фуркъан. Гьебги бикьун буго 30 жузалде. Къуръаналда буго 114 сура, 6616 аят, 77934 рагIи, 333671 хIарп. РещтIаралдаса байбихьун жакъа къоялде щвезегIан гьеб, цогидал рещтIарал тIахьал гIадин, исламалъул тушбаби кигIан къеркьаниги, хисизабизе кIвечIо. Щайин абуни, гьеб хисизабиялдаса цIунизе Живго ТIадегIанав Аллагьас тIаде босун букIун. Цогидал тIахьал цIунизе Аллагьас тIаде росун рукIинчIо.

Гьединго Аллагьас

Ибрагьим аварагасухъе тIанчал рещтIун рукIана. Таврат рещтIиналде цебе Муса аварагасухъеги рещтIун рукIана тIанчал.

ХIАСАН МУХIАММАДОВ

2026-09-01 (РабигIул аввал 1448 с) №17.


Пашманлъи тIаса инабулеб

ТIадегIанав Аллагьас инсанияталъе гIемерал нигIматал рижун руго. Хирияб Къуръаналда хъван буго (магIна): «Гьев инсан кин валагьуларев Аллагьас ﷻ жиндие ризкъилъун кьун бугеб батIи-батIияб тIагIамалде». (Сура «ГIабаса», 24 аят).   Гьел нигIматазул цояб ккола хъабахъ....


Аварагасул ﷺ ирсилазул цояв

(Байбихьи цересел номералда)   Гьелдаса хадуб рагьун дин биччазегIан гьев мубарак жиндирго цIулал хIалтIиги гьабун гIадамазда гьоркьов гIадатияв чилъун вукIун вуго. Дагъистаналде зияраталъ вачIанщинахъе гьес рещтIен гьабулеб букIун буго ХасмухIаммад-хIажиясухъ. Гьесул гIумрудул цIех-рех...


ЦIар кинаб лъелеб?

Гьабун анкьабилеб къоялъ лъимералда цIар тезе суннатаб буго. Реххараб лъимералда рухI лъун букIун батани, гьелдаги цIар тезе суннатаб буго. Реххараб лъимер васищ яги ясищали батIа бахъизе лъачIони, кIиязего бегьулеб цIар лъела, масала, ТIалхIат, ХIамзат, Майсарат гIадал. Реххараб лъимералда...


ХIасил щиб ккараб?

АлахIамдулиллагь, щибаб рецц Аллагьасе ﷻ, ракI бохулеб, черхалъе гьайбатаб асар гьабулеблъун букIана риидалил гIодоркъоязда Къуръан цIализе, как базе, тIабигIат берцин гьабизе, дарсазде хьвадун, лъималаз мажгитал цIун рукIараб заман.   Лъимал руго нилъер берзул канлъаби, рухI кьунги гьезие...


Щал кколелали бихьизабуна

Нилъер диналда жаниб кутакаб бакI кколеблъун буго аманат, божилъи гьабураб тIубазаби, ритIухълъи цIуни абураб иш. Гьебги гIицIго гьабулеб гIадатияб ишалда хурхин гуреб, муъминчиясул гIумруялъул Аллагьасулгун ﷻ жиндир бугеб гьоркьоблъиялдаса байбихьун ва хIатта хIайваназул ургъел гьабиялде щвезегIан...