Аслияб гьумералде

Беразе тимар гьаби

Беразе тимар гьаби

Нилъеца цӀакъ къанагӀат гурони пикру гьабуларо ТIадегIанав Аллагьас ﷻ нилъее кьурал берал гIадинал нигIматазул.

 

КъанагӀатав чияс гурони пикруги гьабуларо беразул ургъел гьабизе кколин абураб жоялъул. Аби буго: «ГIинкълъиго лъикI канлъи инегIан», - абураб. Щайгурелъул беразул канлъиялъ кIудияб хIалтIи гьабула дунял бихьизе ва лъазе.

Жакъа нилъ гIемер телефоназда ва копьютеразда нахъа рукIунелъул, рекъараб буго заманалда гьелъул ургъел гьабизе, канлъиялъе зарал ккезегIан чIечIого.

Бищун лъикIаб сахлъи ккола профилактика гьаби. Гьебги гьабизе ккола гьадин:

  1. Беразде хIал щолеб хIалтIи бугони, гьезие хIалхьи кьезе ккола щибаб 100 минут индал. Лъималазе гьеб заман жеги дагьаб букIине ккола.
  2. Беразе упражнениял гьари. Берал тIаде-гъокье сверизарила, гIемер къапезарила.
  3. Компьютералда нахъа вукIине ккола 50-60 сантиметралъ рикIкIад. Телефон 30 см рикIкIад кквезе лъикIаб буго. Телевизоралъухъ балагьила бищун дагь кIиго метралъул манзилги гьоркьоб тун.
  4. Рокъоб букIине бегьуларо цIакъго гвангъи яги бецIлъи.

Нилъеца беразе тимар гьабуни, унти гIемерго дагьлъизе рес буго. Гьеб гуребги, пайда босизе ккола витаминаздаса. Зама-заманалдаса тохтурасухъе ине тIадабги буго.

 

Шамиль МухIаммадов

2026-08-01 (Сафар 1448 с.) №15.


Гьикъизе нечараб бицине намусаб

Кредит босана...   Чияр счеталде гIемераб гIарацги битIун, щибго жоги гьечIого хутIана дун. ХIинкъун йикIана гьелъул хIакъалъулъ росасда бицинеги. Гьеб бахчизелъун дица кредит босана. Гьанже кредит бецIизецин кIолеб гьечIо, кьезе кколеб болжалги гIагарлъулеб буго. Щибдай...


Суал-жаваб

МагIна бичIчIуларел Къуръаналъул аятазе ва хIадисазе кинаб хIукму бугеб? Цогидал аятазда релълъун гьезул тафсир гьабизе бегьулищ? Гьел аятазде ва хIадисазде нилъеца иман лъола ва гьелъул хIакъикъат ТIадегIанав Аллагьасде ﷻ тIамун тола. Гьединал аятазе ва хIадисазе баян тафсир гIалимзабаз кьечIо....


Муфтиясги гIахьаллъи гьабуна

Дагъистан Республикаялъул муфти, шайих АхӀмад-афанди гӀахьаллъана РФялъул президентасул Северияб Кавказалъул федералияб округалда вугев вакил Юрий Чайкал нухмалъиялда гъоркь тӀобитӀараб данделъиялда. Гьениб гьоркьор лъун рукIана миллатазда ва диназда гьоркьоб рекъел цӀуниялъул ва гьеб щула...


Шагьидзаби кIочон гьечIо

1935 соналъ ЧIикIаса Ацал ГIабдурахIманил хъизаналда гьавуна вас СагIид. Гьеб букIана ШагIбан бащалъараб Барааталъул сордо. Гьеб сордоялъ лъабго нухалъ хирияб "Ясенги" цIалун, ГIабдурахIаманица Аллагьасда гьарана жиндир вас гIалимчи вахъагиян. ТIадегIанав Аллагьас инсул дугIаялъе жаваб гьабуна....


Аварагасул ﷺ сира

Кинаб илагьияб хIикмат букIараб Аварагас ﷺ Макка рехун тезе ккеялъулъ?   Маккаялдаса Мадинаялде Аварагас ﷺ гьижра гьабиялъул хIикматаздасан ккола бусурбабазе дин загьир гьабизе цо шагьаралда яги улкаялда толеб гьечIони, гьезги дин цIунизе гIоло, ватIаналдаса цоги бакIалде гьижра гьабизе...