Калам къокъал, магIна гъваридал аварагасул ﷺ рагIаби
Калам къокъал, магIна гъваридал аварагасул ﷺ рагIаби
- Ва, Адамил лъимер, дунялалда мун разилъун чIа, дур бетIербахъулеб къадаралда. Хвезе вугев чиясе гьебги гIемераб буго.
- Ва, Абубакар, дур кинаб пикру бугеб кIигоясул хIакъалъулъ, гьезул лъабабилев Аллагь вугев.
- Ва, Абузар, дуца гама цIигьабе, ай гIибадат къачIай, ралъад гъваридаб бугин.
- Ва, Анас, дурго магIишат хIалалаб гьабе, дугIаялъе жаваб щвела.
- Ва, ХIармалат, дуца шаргIалъ бихьизабураб гьабе ва гьукъаралдаса цIуне.
- Ва, цIакълъи щиб щивав кIалъалев гIалимасул ва гьеб къабул гьабулев гIенеккарасул.
- Ва, ХIузайфат, дуца тIадчIей гьабе Аллагьасул Къуръаналда.
- Ва, ГIубайдат, дуца гIинтIаме, мунги мутIигIлъе захIмалъиялъулъгун бигьалъиялъулъ.
- Ва, ГIукъбат, дуца гIагарлъи хурхинабе гьеб къотIарасулгун, мун махIрум гьавурасе кьезеги кье.
- Ва, ГIали, Аллагьасда гурони дур хьулги лъоге, дурго мунагьалдаса гурони хIинкъизеги хIинкъуге.
- Ва, ГIумар, лъикIаб магIишат лъикI лъикIав чиясе.
- Ва, Бичасул Расуласул инсул вац - ГIаббас, дуца гIемераб дугIа гьабе тIаса лъугьайин абун.
- Ва, ФатIимат, мун гьесие, ай росасе гъаравашлъун йикIа, дуе гьев лагълъун вукIина.
- Нужер щивасда халлъула чияр бадибе унеб сум, нужерго бадибе унеб чIалоги бихьичIого.
- Нужеца цогидазе бигьа гьабе, захIмат гьабуге.
- Гьересияб гьаялъ рукъзал хъаркIас гьарула.
- Жакъа буго гIамалазул чу биччалеб къо, метер гьелъул хIасил лъала. Ахирги Алжан буго. Гьалаглъарав ккола жужахIалде ккарав.
ГIабдуллагь МухIаммадов
