ГIали асхIабасул васият
ГIали асхIабасул васият
Мун вукIунге:
– ГIамал гьабичIого ахираталде хьул лъураздасан.
– Хьулги халат букIаго тавбуялде хьул бугездаса.
– Бицунеб хабар загьидзабазул бугев, гьабулеб гIамал дунял хачалесул бугев.
– Дунял кьуни - гIорцIи гьечIев, кьечIого тани - разилъи гьечIев.
– Дуца цогидал квешалдаса гьукъулевлъун, мунго нахъчIваларевлъун.
– Дуцаго гьабулареб жо цогидазда амру гьабулевлъун.
– ЛъикIал гIадамал рокьулин абулев, амма гьезул гIадаб гIамал гьабуларевлъун.
– Мунагьал гьарулезде ццим бахъуневлъун, амма мунго гьезул цоявлъунги вукIаго.
– Мунагьал гIемерлъиялъ хвел рихарав, гьеб жиндие гIоло рихарал мунагьазда чIаравлъун.
– Нагагь унтани - пашманавлъун лъугьунев, амма сахлъидал - щибго ургъелго гьечIевлъун, сундасаго божаравлъун лъугьунев.
– Сахлъани - живго жиндасаго гIажаиблъулев, балагьалъукье ккедал - хьул къотIун кколевлъун.
– Къварилъи тIаде бачIани чаракъотIарас кинниги дугIа гьабулев, амма гIатIилъиялде ккедал жив гуккарав кинниги нахъвуссунев.
– БукIинин ккараб жоялда тIад кIвар бергьарав (дунял хачаялда), лъугьин якъиналда кIвар дагьав (ахираталда).
– Цоясул гьитIинабго мунагь ккеялдаса хIинкъулев, амма дурго гьелдасаги чанго кIудияб ккедал хьулал рукIуневлъун.
– Мун бечелъани чIухIулевлъун, питнаялде кколевлъун, амма мискинлъани тIубан кинабгоялдаса хьул къотIулевлъун.
– Дуцаго гIамал гьабулелъул кIарчанав, гьаризе ккани цIакъго мухIканго, рагIа-ракьанде щвезабулевлъун.
– Машгьурлъи щвани - мунагьал гьарулевлъун ва тавбу гьаби нахъбахъулевлъун.
– Пикру гьабизе ккеялъул бицунев, амма дуцаго пикру гьабуларевлъун.
– Цогидазе вагIзаби гьарулев, амма дуего вагIза къабул гьабуларевлъун.
– Хабар халатав, амма гIамал дагьавлъун.
– Паналъулеб дунялалъулъ цевеккей тIалаб гьабулев, нахъе хутIулеб ахираталъулъ тасамахIлъи гьабулевлъун.
– Дурго тIагIат гIемер бихьулев, чияраб хIакъираблъун бихьулевлъун.
– Бечадалгун рахIаталда вукIин, мискинзабигун зикруялда вукIиналдаса цIикIкIун бокьулевлъун.
– Дурго нафсалъе пайдагун, цогидасе заралгун хIукму гьабулев, жиндиего заралгун цогидасе пайдаялъе хIукму гьабуларевлъун.
