Калам къокъал, магIна гъ варидал аварагасул ﷺ рагIаби
Бичасул аварагас ﷺ абуна:
– Мунагьлъун гIела чиясе жинца хьихьизе кколесе напакъа кьечIого тей.
– Мунагьлъун гIела дуе мун дагIбадулевлъун вукIин.
– ВагIзалъун заман унеб жо букIин лъай гIела, ратIа гьарулеблъун хвел букIин лъайги.
– Кинабниги бачIунесеб гIагараб ккола.
– Кинабго чан гIалхул хIамаялде жанибе уна.
– Нужер щивав вехь вуго, щивав жиндир рехъадул жавабиявги вуго.
– Кинавниги бусурбанчи цояв цогидасе хIарамав вуго, гьесул бигун, боцIигун ва дингун цадахъ.
– Кинабниги лъикIлъи садакъа ккола.
– Кинабниги зарал жужахIалъуб буго.
– Щивасе бигьа гьабун буго жиндие гIоло бижараб жо.
– ГIадамазда кIалъай гьезда лъалеб жоялдалъун ва рехун те гьезие бокьулареб.
– Дуца гьабураб диналъул къадаралда Аллагьас дудехун бухьен гьабула ва мунги гIагар гьавула.
– Нужер хьвадиялда рекъарав вукIуна нужер бетIерги.
– Дунялалда мун вукIа рикIкIадаса вачIарав чигIадин, яги нухлулав кинниги, дурго нафсги рикIкIе хабалазул агьлуялдасан.
– ГIажизав чи ккола жиндир нафс гьаваялда нахъбилълъинабурав ва Аллагьасде хьулалги тIамулев.
– Лъимал гьаре хвезе рукIине ва минаби рай чIунтизе.
– Дун батIулаздаса гуро, я батIулаб дилъги гьечIо.
– Бицараб жо, ай хабар бихьараб гIадаб гьечIо.
