Къулгьу цIалиялъул хиралъи

Суратул «Ихлас» цIализе хирияб букIин баян гьарулел хIужаби гIемер руго. Цо дагьалго хIадисал рехсон тезин.

– Нужер цонигияв гIажизлъилищ сардилъ лъабил бутIа Къуръаналъул цIалиялдаса? Нужеца цIале «Къул гьуваллагьу ахIад» сура, гьеб бащалъула Къуръаналъул лъабил бутIаялда.

– Цо чияс абуна хирияв аваргасда ﷺ, дие бокьулин гьаб сура, ай «Къул гьуваллагьу ахIад». Цинги Бичасул аварагас ﷺ абуна гьеб бокьиялъ мун Алжаналде вачунин абун.

– Цо нухалъ «Къул гьуваллагьу ахIад» цIаларав чиясе Аллагьасде, гьесул малаикзабазде, тIахьазде ва русулазде иман лъурасул кири кьола БетIернагьанас. Гьединго кьола нусго шагьидасулалда бащадаб кириги.

– «Къул гьуваллагьу ахIад» бащалъула Къуръаналъул лъабил бутIаялда.

– Суратул «Ихлас», ай «Къул гьуваллагьу ахIад» цIаларав чиясул черх хIарамаблъун гьабула жужахIалъе.

– 11 нухалъ «Къул гьуваллагьу ахIад» цIаларав чиясе Алжаналда рукъ бала. 20 нухалъ цIаларав чиясе - кIиго хъала бала. 30 нухалъ цIаларав чиясе - лъабго хъала бала. Цинги ГIумар-асхIабас абуна, АллагьасхIаги, ва Бичасул аварагﷺ, Алжаналъул рукъзал гIемерлъизаричIого теларо нижецайилан абун. Бичасул аварагасﷺ абуна: «Аллагьасул рахIмат гьелдасаги кIудияб буго», - ян.

– 11 нухалъ «Къул гьуваллагьу ахIад» цIаларав чиясе Алжаналда рукъ бала.

– 20 нухалъ цIаларав чиясе 30 000 хъала бала.

– 40 нухалъ цIаларав чи Бичасул аварагасда ﷺ мадугьалихъ вукIуна.

– 50 нухалъ цIаларав чиясул 50 соналъул мунагьал чурула.

– 100 нухалъ какилъ яги гьеб гуреб бакIалда цIаларав чиясе хъвала жужахIалдаса хвасарлъи.

– 200 нухалъ цIаларав чиясе 200 соналъул мунагьал чурула.

– 400 нухалъ цIаларав чиясе 400 шагьидасул кири хъвала.

– 500 нухалъ цIаларав чиясул жиндирго, рукъалъул агьлуялъул ва гьесдаса гьавунщинасул мунагьал чурула.

– 1000 нухалъ цIаларав чияс жиндирго напс бичун босула БетIергьанасухъа.

ГIабдуллагь МухIаммадов