Калам къокъал, магIна гъваридал аварагасул ﷺ рагIаби
Калам къокъал, магIна гъваридал аварагасул ﷺ рагIаби
Бичасул аварагас ﷺ абуна:
- Лъабго пиша буго, гьел жиндилъ ругесда иманалъул гьуинлъи лъалеб:
1. Аллагьги гьесул Расулги гьел гурелщиназдаса рокьи.
2. Цониги вокьулев чи тIокIаб мурад гьечIого Аллагьасе гIоло вокьи.
3. Аллагьас хвасар гьавун хадуб (битIараб нухде вачиндал) куфруялде тIадвуссин рихин.
- Лъабго жо буго жинца хвасар гьарулеб:
ТIасанги жанисанги Аллагьасукьа хIинкъи.
Разилъидалги ццим бахъиндалги гIадилав вукIин.
Бечелъидалги мискинго вугеб мехалдаги гьоркьохъеб хIал цIуни.
- Лъабго жо буго жинца гьалаг гьарулеб:
Черхалъул гьаваялда нахъвилълъин.
Жив мутIигIаб къарумлъи.
Жиндирго напс гIажаибго ва берцин бихьи.
- Рукъ балагьилалде цеве мадугьал валагье, нухда вахъиналде цеве гьалмагъги валагье.
- Данделъи рахIмат буго, рикь-рикьи гIазаб буго.
- Мун дандчIвазе вугеб жо хъваялдаса къалам бакъван буго.
- Алжан - улбузул хIатIакь буго.
- Алжан - хучдузул рагIдукь буго.
- Дунял бокьи - кинабго квешлъиялъул бетIер буго.
- Аллагьасе гIоло бугеб рокьи ва Гьесиего гIоло бугеб ццим бахъин бищунго хириял гIамалаздасан буго.
- Дуе цониги жо бокьиялъ бецц ва гIинкъ гьарула.
- Рагъ – гьеб гукки буго.
- Къимат боцIудалъун буго, хIикмат Аллагьасукьа хIинкъиялдалъун буго
- Алжан сверун ккун буго бокьуларебщинаб жоялъ. ЖужахI сверун ккун буго чорхое рахIат бугебщиналъ. ХIикмат буго муъминчиясул билараб жо.
- ХIалалаб баянаб буго ва хIарамабги баянаб буго.
