Калам къокъал, магIна гъ варидал аварагасул r рагIаби
Бичасул аварагас ﷺ абуна:
– ЧIужугIаданалъе мутIигIлъиялда жаниб пашманлъи буго.
– Рохел буго жиндирго гIайиб бихьун цогиязул гъалатIал рихьиялдаса машгъуллъарав чиясе.
– Рохел буго жиндир гIумру халатав ва гIамал берцинав чиясе.
– Муъминчиясул мугъ (живго) цIунарав вуго, исламалъул хIакъалдалъун хутIун.
– КъотIи тIубай налъи буго.
– ГIадамаздаса ватIаго чIеялъулъ хвасарлъи буго.
– Кьибил гъваридго унеб жо буго.
– Ханзабазул тIаса лъугьин гьезул ханлъи цIунулеб жо буго.
– Квералда тIад буго гьелъ босараб жо нахъе кьезегIан.
– Берккей хIакъаб буго.
– Унго-унгояб бечелъи буго Аллагьас кьуралда гIей гьабун чIей.
– Унго-унгояб пакъирлъи буго кьуралда разилъунгутIи.
– Питна кьижун букIуна, гьеб борчIизабурасе Аллагьасул нагIана буго.
– ЛъикIал пишабаз цIунула хвалилъ ахир мекъи ккеялдаса.
– Бокьараб рухIчIаголъиялъе гьабураб кумекалъухъ кири буго.
– ГIагарав ккола рокьа-хинлъиялъ гIагар гьавурав, насаб рикIкIадасеб батаниги.
– Дуца абе, дица иман лъунин Аллагьасда, цинги диналъул нухда витIунги чIа.
– Лъимал дагь рукIин кIиго бечелъиялъул цояб буго.
– Дуца хIакъаб рагIи абе, кигIан гьеб кьогIаб батаниги.
Дагьаб нигIмат жиндихъ щукру гьабун бажарулеб лъикIаб буго, кIолареб гIемералдаса.
– Бугелда разилъи буго лъугIулареб хазина.
– Цин бухье, цинги таваккал тIаме.
