Аслияб гьумералде

РацIцIалъиялъе бахъулеб…

РацIцIалъиялъе бахъулеб…

КигIан бокьичIониги гьале рамазан моцI рагIалде бакIарулеб буго. Аллагьас ﷻ къабул гьабеги щивасул гьаб моцIалъ гьабураб, кигIан дагьаб бугониги, гIамал. ТIадеялъулги гьелда дандчIвай гьабизе гIумруги батаги.

 

Рамазан моцIалъ гьабуралъе ахир лъолеб гIамаллъунин абуни ккола паризаяб закагIат-сахI бахъи.

ТIадегIанав Аллагьас ﷻ хирияб Къуръаналда абун буго (магIна): «Нужеца какги бай, паризаяб закагIат-сахIги кье. Нужерго напсазелъун гьабун тараб лъикIаб гIамал нужеда Аллагьасда ﷻ аскIоб батила…», - ян (суратул «Бакъара», 110 аят).

Ибну ГIумаридасан бицараб хIадисалда буго: «Аллагьасул расулас ﷺ кIалбиччаялъул закагIат парзлъун гьабуна бусурбабазул хIуразда, лагъазда, гIисиназда, чIахIиязда. Ва амруги гьабуна, гIидалъул какде гIадамал рахъиналде гьеб тIубазабеян», - абун. 

КIалбиччаялъул сахI бахъизе тIадаб гьечIо эбелалъул ургьиб бугеб лъимералдаса.

СахI бахъиялъул хIакъалъулъ аварагас ﷺ абун буго: «Рамазаналъул кIал зобалдаги ракьалдаги гьоркьоб бан хутIун букIуна, кIалбиччаялъул сахI бахъизегIан», - абун (Макъдиси, ибну Шагьин).

ВакигI ибну ЖарахIидасан бицун буго: «Рамазан моцIалъе кIалбиччаялъул сахI, какие сагьвиллъиялъул сужда гIадаб жо буго. Сагьвиллъиялъул суждаялъ какил мукъсанлъи бацIцIунеб гIадин, сахI бахъиялъги кIалалъулъ ккараб мукъсанлъи бацIцIуна», - ян («ал-МажмугI»).

Аварагас ﷺ абухъе, кIалбиччаялъул сахI бахъи ккола кIалккураб заманалда лъугьараб къваригIел гьечIеб хабаралдаса рацIцIалъи. Гьелъ бацIцIуна бусурбанчиясдаса лъугьараб гIиси-бикъинаб мунагь. Жеги гьелъулъ буго мискин-пакъиразе тIагIам кьейги, Аллагьас ﷻ кьурал нигIматазе шукру гьабиги.

 

МухIаммадгIариф Къурбанов

 

2026-09-01 (РабигIул аввал 1448 с) №17.


ХIасил щиб ккараб?

АлахIамдулиллагь, щибаб рецц Аллагьасе ﷻ, ракI бохулеб, черхалъе гьайбатаб асар гьабулеблъун букIана риидалил гIодоркъоязда Къуръан цIализе, как базе, тIабигIат берцин гьабизе, дарсазде хьвадун, лъималаз мажгитал цIун рукIараб заман.   Лъимал руго нилъер берзул канлъаби, рухI кьунги гьезие...


Баркала кумекалъухъ

ХӀурматияб «Ас-салам» газеталъул редакция! Газета гьоркьобккун нижее, Хунзахъ районалъул ТӀадколоб росулъа ХӀажиев ГӀалискандил хъизамалъе, бокьун буго баркалаялъул калам загьир гьабизе нижее хӀажалъи ккедал кумекалъе ратарал гӀадамазе.   Исана 13 июналда цӀаги рекӀун нижер мина,...


Щал кколелали бихьизабуна

Нилъер диналда жаниб кутакаб бакI кколеблъун буго аманат, божилъи гьабураб тIубазаби, ритIухълъи цIуни абураб иш. Гьебги гIицIго гьабулеб гIадатияб ишалда хурхин гуреб, муъминчиясул гIумруялъул Аллагьасулгун ﷻ жиндир бугеб гьоркьоблъиялдаса байбихьун ва хIатта хIайваназул ургъел гьабиялде щвезегIан...


Лъаялъул байрам

Хъумторхъала райналъул ракьалда бугеб ЦIияб ГIурада росулъ тIобитIана лъай кьеялъул ва рухIияб тарбия щвеялъул мурадалда гIуцIараб байрам. Гьениб росдал лъималаз ва гьидерил росабалъа рачIарал гьитIичаз бихьизабуна жидерго лъай. Гьез цIалана Къуръан ва кьуна батIи-батIиял гIелмиял суалазе жавабал.


Камиллъарав авараг

Нилъее мисаллъун ва шаригIат малъизелъун Аллагьас ﷻ витIарав чи вуго хирияв МухIаммад авараг ﷺ. ТIадегIанав Аллагьас ﷻ Къуръаналда абун буго (магIна): «Аллагьасул расуласда буго нужее, я муъминзаби, берцинаб нахърилълъин…». (Сура «ал-АхIзаб», аят 21).   Нужеца...