Лъималазе тарбия

Нилъеда лъала исламалда бищун кIвар бугеб жо ккола лъималазде гьабулеб бербалагьи. Лъимер ккола Аллагьас нилъее кьураб нигIмат ва аманат, нилъеца гьеб цIунизеги ккола.

Лъималазул тIалаб гьаби, гьезие тарбия кьей буго бищун цебесеб суал эбел-инсуе. Гьелъул пикру гьабизе ккола. Амма эбел-эмен хIалтIудаса къаси рокъоре свакан рачIуна ва лъималазул тарбиялъул хал-шал гьабизе заман гIоларо. Гьелъ гьелги куцалел руго интернеталъ. Эбел-инсудайин абуни тIадаб буго гьезие берцинаб тарбия кьезе.

Къуръан-хIадисалъ эбел-инсудаса тIалаб гьабула лъимал кIодо гьари, гьел цIуни. Эбел-инсуда лъазе ккола лъимер нилъехъе Аллагьас кьураб тIадегIанаб аманат букIин, Къиямасеб къоялъ жавабчилъиги тIалаб гьабизе букIин. Гьелъин нилъеца лъимада малъизе кколеб квешаб тун лъикIаб босизе кколеблъи.

Хирияв аварагасе ﷺ цIакъ рокьулаан лъимал, гьединлъидал, гьес кутакалда кIварги кьолаан лъималазде ва гьезие кьолеб тарбияталде. Нухда унаго дандчIварал лъималазе кьолаан салам ва гьабулаан дугIа.

Цо къоялъ хутIба гьабулев вукIарав аварагасда ﷺ рихьун руго ХIасан ва ХIусен. Гьеб мехалда авараг ﷺ, минбаралдаса гъоркьеги рещтIун, гьелги кодоре рачун жиндирго калам тIубазабизе минбаралде тIаде вахун вуго.

Жакъа нилъер лъимал как балаго тIаде рахун расандани ва релъанхъани, нилъ гьезде рагъула. Амма аварагас ﷺ гьедин гьабичIо, ай дол расандизе рукIине сужда халат гьабуна.

ХIасил, лъимер балугълъизегIан эбел-инсуца лъималазе гьоркьоса къотIичIого лъикIаб тарбия кьела. Балугълъун хадубги гьел рехун теларо. Къиямасеб къоялъ жиндирго агьлуялда ислам малъичIого батиялдаса кIудияб мунагь букIинариланги буго. Къиямасеб къоялъ тIоцебе данде дагIбадизе рахъунел гIадамалги, жинца тарбия кьечIев чиясул, жиндирго агьлу-хъизан букIинилан буго.

Тарбия кьей - эбел-инсуда тIадаб налъи буго. Тарбия кьун хадубги лъимер квешаб лъугьани, гьелъул жаваб эбел-инсудаса тIалаб гьабуларо.

Лъимал лъикIал лъугьин - эбел-инсул бищун кIудияб талихIаздасан цояб ккола. Хун хадуб лъикIаб дугIа гьабулел лъимал нахъе тани, гьебги ахираталъул рокъоб абадияб талихI ккола. ЛъикIал лъималаз эбел-инсуе лъикIаб дугIа гьабичIонигицин, гьез гьабураб лъикIаб гIамалалъул кири эбел-инсуеги хъвала, гьезиеги камизабичIого. Лъимал лъикIал лъугьани, дунялалда эбел-инсуе букIунеб рахIатги, гьел квешал лъугьани, эбел-инсуе букIунеб рахIатхвейги - гьебги киназдаго бихьун лъалеб жо буго.

Шамил МухIаммадов

2026-09-15 (РабигIул ахир 1448 с.) №18.

ГIизудин ибну Шаддад ХӀалаби гьавуна Сириялъул ХIалеппоялда бугеб ХӀалаб шагьаралда, 1217 соналъул лъабабилеб зулхӀижа моцIалъ, гьижрияб 613 соналда. Тарихалъул ва географиялъул рахъалъ жиндирго хIалтIабазул кумекалдалъун ибну Шаддад вахъана жиндир гIасруялъул машгьурал тарихчагӀазул...

Нижер росулъа сахаватав инсан Чарандал вас ГIамиргIалица жиндирго инсул букIараб мина къачIазеги къачIан кьуна росдал мадрасалъе. Киналго росдал гIадамал кутакалда рохун ва разиго руго ГIамиргIалица гьабураб гьеб баракат цIикIкIараб ишалдаса. Гьанже рес рекъана мадрасаялда лъимал ва чIахIиял...

Египеталде сапаралъ араб Дагъистаналдаса делегация дандчӀвана Вакъфазул рахъалъ министр Усама ал-Азгьаригун. Дагъистаналъул делегациялда гъорлъ рукӀана: ДРялъул диниял суалазул ва миллияб политикаялъул министрасул заместитель ТӀагьир Сутаев, министрасул кумекчи ГӀабдулбасир Абакаров, ДРялъул...

Гьаб заманалда гIемерисеб мехалда дунялалъул ишазда сверун лъугьун рукIиналъ нилъ лъугьунел руго аслияб иш кIочон толеллъун. Нилъер ракI буго черх чIаго гьабун би жиндасан сверулеблъун гуребги иманалъул ракIбацIцIалъиялъул унго-унгоял бусурбабазул хасияталъул бакI ва нилъ Халикъасда ﷻ хурхинарулеб...

Щибаб санайил дунял квачазе байбихьидал, цIикIкIуна вирусалъулаб инфекциялъ (ОРВИ) унтаразул къадар. Хасго гIадамал унтула хаслихълъиялдаса бахъараб ихдалил байбихьуде щвезегIан. Гьединлъидал гьеб заманалда жаниб кIвар бугеб жо ккола унтул аслиял гIаламатал лъай. ОРВИ ккола батIи-батIиял...

Лъималазе тарбия