Заман хвезабуге...

Заман ккола Аллагьас ﷻ инсанасе кьурал нигIматазул бищун хирияб. Заман гьечIони щибго жо букIунаро. Нилъер умумуз щибаб лахIзаталъул къимат гьабулаан, амма жакъасел гIолилал, эркенлъиги цIикIкIун, «заман чIвазелъун» пайда гьечIеб жоялде руссунел руго. Пикру гьабидал, цIикIкIун «заман чIвазеян» нилъ лъугьиндал, гьелъул гIаксалда, заманалъ нилъго чIвалел ратула.

ТIадегIанав Аллагьас ﷻ Къуръаналда заманалъул хиралъи ва кIвар гIемер рехсана. Заманалдалъун ﷻ гIемер гьедана Аллагь ﷻ Къуръаналда. Хирияв аварагасги ﷺ хIадисалда абуна: «КIиго нигIмат буго гIемерав чияс жинде кIвар кьолареб: сахлъи ва эркенаб заман», - илан.

Цо къоялъ ГIамир ибн ГIабдул Къайс абурав табигIинасухъе вачIана цо чи ва абуна: «Мунгун гIодовчIун хабар бицине бегьилищ?» - абун. ГIамир гьесухъ валагьана, цинги абуна: «Бакъул свери чIезабе нилъее кIалъазе заман батизе букIине», - ян. Гьелдасан бичIчIула гьев гIалимасе заман къваригIел гьечIел харбазда хвезабизе бокьунгутIи.

Аварагасул ﷺ асхIаб ибн МасгIудица абулаан: «ЛъикIаб гIамалги гьабичIого дир гIумруги къокълъизабун араб къоялда дир ракI гурхIула», - ян.

Аварагасул ﷺ асхIаб Хулайфат СалихIица абуна: «Сордо-къо дуда данде хIалтIула, мунги гьезде данде хIалтIе», - ян.

ХIасанул Басрияс абуна: «Ле, инсан! Мун вуго къояздаса гIуцIаравлъун. Щибаб къоялда цадахъ дур гIумруги унеб букIуна. Дида дандчIвана гIадамал нужее динар-диргьамалдаса заман жидее хира бугел», - илан.

Халгьабе, гьаб заман хехго боржун унеб бугеб куц. Ригьалде рахарал чIахIиял чагIазда цIехедал, гьез бицуна жидер гIумру бер къапилалде анин абун. НухI аварагасда гьаб дунял кинаб жолъун батарабилан гьикъидал, гьес абун буго: «Цояб нуцIихъа жаниве лъугьунеб, цогидалдаса къватIиве лъугьунеб рукъ гIадинаб жо батана», - ян. 950 сон барав НухI аварагасцин гьедин абураб мехалда, 60-70 гурони сон баларел нилъеда кинаблъун гьаб дунял батилеб?

Жабир Мажидов

2026-09-01 (РабигIул аввал 1448 с) №17.

Аварагасул ﷺ бицунелъул гIенеккун ругеб мехалда нилъер къасд букIине бегьуларо гIицIго харбихъ гIенеккун ругеб гIадинаб. Ниятгун къасд букIине ккола Аварагасул ﷺ хIакъалъулъ рехсолел сипатаздалъун нилъее лазат щвей, ай гIишкъуялда гIенекки ва гьеб рекIелъе биччай. Аварагасул ﷺ бицунаго нилъ гьесде...

ЦӀунтӀа районалъул Гьинухъ росулъ тӀобитӀана баракатаб рабигӀул аввал моцӀ тӀаде щвеялда бан мажлис. Дунялалъул бусурбабазе гьеб моцӀ ккола хасаб рухӀияб цӀилъиялъул заманлъун. Муъминзаби мажгитазда ва рокъор данделъула Аллагьасе рецц гьабизе, Аварагасде ﷺ салават битIизе, гьесул гӀумруялъул...

АлахIамдулиллагь, щибаб рецц Аллагьасе ﷻ, ракI бохулеб, черхалъе гьайбатаб асар гьабулеблъун букIана риидалил гIодоркъоязда Къуръан цIализе, как базе, тIабигIат берцин гьабизе, дарсазде хьвадун, лъималаз мажгитал цIун рукIараб заман. Лъимал руго нилъер берзул канлъаби, рухI кьунги гьезие...

Гьабулеб хIалтIи-пиша лъикI букIине (баракат) бокьарас тIадчIей гьабила щуго жоялда. ХIалтIи сабаблъун Аллагьас ﷻ тIадкъарал жал нахърахъуге ва кIарчанлъиги гьабуге. Жиндир заманалда тIадкъарал жал тIурани, хайир батила. ХIалтIи сабаблъун Аллагьасул ﷻ махлукъат хIакъир гьабуге. Нилъер...

1. Муъминун абун сураялда щай абураб? – Муъминзаби ва гьезул сипатал рехсеялъ. 2. Чан сураялда рехсараб дунял хIайгIадинаб жо бугин абун? – Ункъо сураялда: «АнгIам», «ГIанкабут», «МухIаммад», «ХIадид». 3. ШайтIаналъул хъаравулзаби абун...

Заман хвезабуге...